ށ. ފޭދޫ ބަނދަރު ސަރަހައްދުގައި މަސްކަނޑާ އަށްޓެއް ހަދާދޭނެ ފަރާތެއް ހޯދަން އެރަށު ކައުންސިލުން ދެވަނަ ފަހަރަށް އިއުލާނުކޮށްފި އެވެ.
އެ ކައުންސިލުން މިކަމަށް އާންމުކުރި އިއުލާނުގައި ބުނެފައި ވަނީ، އެ އިދާރާއިން ދޭމައުލޫމާތު ކަރުދާހާއި އެއްގޮތަށް ށ. ފޭދޫ ބަނދަރުސަރަހައްދުގައި މަސްކަނޑާއަށްޓެއް ހެދުމުގެ މަސައްކަތް ކޮށްދޭނެ ފަރާތެއް ބޭނުންވެއްޖެ އެވެ.
މިކަމަށް ޝައުޤުވެރިވާ ފަރާތްތަކުން، މާޗު 25ވާ ހޯމަ ދުވަހުގެ 14:00ގެ ކުރިން ބިޑް ރަޖިސްޓްރީ ކުރުމަށްވަނީ ފުރުސަތު ހުޅުވާލާފަ އެވެ. އަދި ދީފައިވާ މަޢުލޫމާތު ކަރުދާހާ އެއްގޮތަށް 28 މާޗު 2024 ވާ ބުރާސްފަތި ދުވަހުގެ 11:00 އަށް މިލަދުންމަޑުލުއުތުރުބުރީ ފޭދޫ ކައުންސިލްގެ އިދާރާއަށް ގޮސް އަންދާސީ ހިސާބު ހުށައެޅުމަށްވެސް އެދިފައި ވެއެވެ.
މިމަސައްކަތާއި ގުޅިގެން ބާއްވާ މަޢުލޫމާތު ދިނުމުގެ ބައްދަލުވުން 26 މާރިޗު 2024 ވާ ބުރާސްފަތި ދުވަހުގެ 11:00 ގައި ކައުންސިލްގެ މީޓިންރޫމުގައި ބާއްވާނެ ކަމަށް ކައުންސިލުން ބުނެއެވެ.