ޑްރޯން ބޭނުންކޮށްގެން ރާއްޖޭގެ ކަނޑުގެ ސަރަހައްދު ބަލެހެއްޓުމުގެ މަސައްކަތް ފަށަން ތައްޔާރު ވެއްޖެ އެވެ.
ތުކުރީގެ ބައިރަކުތާރު މަރުކާގެ ޑްރޯންތައް ބޭނުންކޮށްގެން ރާއްޖޭގެ މަސް ކަނޑުތަކާއި ރާއްޖޭގެ އިގްތިސާދީ ސަރަހައްދު 24 ގަޑިއިރު ބެލެހެއްޓުމުގެ މަސައްކަތް އިފުތިތާހު ކުރުމަށް ހުކުރުދުވަހު ހާއްސަ ރަސްމިއްޔާތެއް މާފަރު އިންޓަނޭޝަނަލް އެއާޕޯޓުގައި ބޭއްވުމަށް ދިވެހި ސިފައިން ދަނީ ތައްޔާރުވަމުންނެވެ.
އެނގިފައިވާ ގޮތުގައި ކަނޑުގެ ސަރަަހައްދު ބެެލެއްހެއްޓުމަށް ބޭނުންކުރާނީ ތުކުރީގެ ބައިކާރުން އުފައްދާފައިވާ ބައިރަކުތާރު މަރުކާގެ ދުނިޔޭގެ ޑްރޯން ޓެކްނޮލޮޖީގައި އެންމެ ކުރިއަރާފައިވާ ދެ ޑްރޯނެވެ. މި އޮޕަރޭޝަންތަކުގައި ހަރަކާތްތެރިވާ ސިފައިން ތުރުކީގައި އެކަމަށް ބޭނުންވާ ޚާއްސަ ތަމްރިނުތައް ފުރިހަމަކޮށްފައި ވެއެވެ. އެ ސިފައިން މިހާރު ދަނީ މާފަރު އެއާޕޯޓުގައި ބޭސްވެފަ އެވެ.
ކަނޑުގެ ސަރަަަހައްދު ބަލަން ގެނައި ދެ ޑްރޯން ތަޖުރިބާ ކުރުމުގެ ހަރަކާތްތަކެއް ކުރިޔަށްގެންދާ މަންޒަރު ދައްކުވައިދޭ ވީޑިއޯއެއް ސޯޝަލް މީޑިއާގައި މިހާރު ވަނީ އާންމުވެފަ އެވެ.
ކަނޑުގެ ސަރަހައްދު ބަލަން ގެނެސްފައިވާ ޑްރޯންތަކަކީ މީހުންނާ ނުަލައި އޮޕަރޭޓް ކުރެވޭ، އަދި 28 ގަޑިއިރުވަންދެން މެދުނުކެނޑި އުދުހުމުގެ ގާބިލުކަން ލިބިގެންވާ ޑްރޯންތަކެކެވެ. ޜޭގަނޑުގެ ވަގުތުތަކުގައިވެސް އޮޕަޜޭޓް ކުރެވޭގޮތަށް ފަރުމާކޮށްފައިވާ މި ޑްރޯންތަކަށް، 300 ކިލޯމީޓަރު ދުރުން ވަގުތުން މައުލޫމާތު މައި މަރުކަޒަށް ފޯރުކޮށްދިނުމުގެ ގާބިލުކަން ލިބިގެންވެއެވެ.
ޑްރޯންއިން ރާއްޖޭގެ ކަނޑުތައް ބަލަހައްޓަން ފެށުމުން މިހާރު ސަރުކާރުން ސަވައިލެންސް ޚިދުމަތަށް ހޭދަ ކުރަމުންދާ މިންވަރު ބޮޑުތަނުން ކުޑަވެގެންދާނެކަމަށް ލަފާ ކުރެވެއެވެ. އަދި ކަނޑުމަތީގެ ހަރަކާތްތަކާއ،ި މީހުންނާއި އޮޑިގެއްލިގެން ހިންގާ ސަވައިލެންސް ޕްރޮގްރާމްތަކަށް ލުޔެއް ލިބިގެންދާނެއެވެ.