ފިޝަރީޒް މިނިސްޓަރު އަހްމަދު ޝިޔާމް ލ. މާމެންދޫ މަސްވެރިންނާއި ބައްދަލުކުރައްވައިފި އެވެ.
ރޭ މާމެންދޫ މަސްވެރިންނާއެކު ބޭއްވި ބައްދަލުވުމާއި ގޫޅޭގޮތުން މިނިސްޓަރ ވިދާޅުވެފައިވަނީ، މާމެންދޫގެ ބައެއް މަސްވެރިންނާއި ބައްދަލުވެ ގިނަ ވާހަކަތަކެއް ހިއްސާކުރެއްވުނު ކަމަށެވެ.
މި ބައްދަލުވުމުގައި މާންދޫއަށް މަސްގަންނަ އަގުގެ ވާހަކައާއި، މަސްވެރިން އަތުން ގަންނަ މަހަށް ފައިސާ ދިނުމުގައި ލަސްވާ ލަސްވުމާއި ބޭހެގޮތުންވެސް ވާހަކަ ދައްކާފައި ވެއެވެ. އަދި، ރަށުން އައިސް ލިބުމުގައި ހުރި ގޮންޖެހުންތައް މަސްވެރިން މިނިސްޓަރާއި ހިއްސާކުރެއްވި އެވެ.
މިނިސްޓަރު ވިދާޅުވީ ގޮންޖެހުންތައް ހިއްސާކުރެއްވީތީ އުފާކުރައްވާ ކަމަށެވެ.
މިއީ، މިދިޔަ މަހު މަސްވެރިން ބޭއްވި އިހުތިޖާޖަށްފަހު، ވަކިން މަސްވެރިންތަކަކާއި މިނިސްޓަރު ބައްދަލުކުރެއްވި ފުރަތަމަ ފަހަރެވެ.