މިދިޔަ ހުކުރު ދުވަހާއި ހަމަަޔަށް މަސްވެރިން މިފްކޯއަށް ވިއްކި މަހުގެ ބިލުތަކަށް ފައިސާ ދައްކައިފި އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިރޭ ޓްވިޓަރގައި ހިއްސާ ކުރެއްވި މެސެޖެއްގައި ވިދާޅުވީ އާދީއްތަދުވަހު ދޫކުރި ފައިސާއާއެކު، ހުކުުރު ދުވަހާއި ހަމަޔަށް މަސްވެރިން ކިރާފައިވާ މަހަށް ފައިސާ ދޫކޮށްފައިވާ ކަމަށެވެ. މިއާއެކު މަސްވެރިންގެ ”ބެކްލޮގް“ ޚަލާސްކުރެވިފައިވާ ކަމަށް ރައީސް ވިދާޅުވެފައި ވެއެވެ.
މަސްވެރިން އަތުން ގަންނަ މަހަށް، މަސްކިރާތާ، 48 ގަޑީއިރުގެތެރޭގައި ފައިސާ ދޫކުރުމަކީ ޑރ. މުއިއްޒުގެ ރިޔާސީ ވައުދުފުޅެކެވެ. މިހާރު ސަރުކާރަށް ކުރިމަތިވެފައިވާ މާލީ ދަތި ހާލަތާހުރެ މި ވަގުތު އެ ވައުދާއެއްގޮތަށް ކަންކަން ކުރިޔަށް ނުދިޔަނަމަވެސް، މަސްވެރިންގެ ބެކްލޮގް ޚަލާސްވާ ހިސާބުން، އެއަމާޒަށް ވާސިލުވުމަށް މަސައްކަތްކުރާނެކަމަށް މީގެކުރިން ސަރުކާރުން ބުނެފައި ވެއެވެ.