މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ(މިފްކޯ) އިން ގައުމީ ކުޑަކުދިންގެ ދުވަސް ފާހަގަކޮށްފި އެވެ.
ކުޑަކުދިންގެ ދުވަސް ފާހަގަކުރުމުގެ ގޮތުން މިއަދު މިފްކޯއިން ވަނީ، އެތާނގެ ހެޑް އޮފީހުގެ މުވައްޒަފުންްގެެެ އާއިލާގެ މެންބަރުން މިފްކޯއަށް ޒިޔާރަތްކުރުމުގެ ފުރުސަތު ދީފަ އެވެ. އަދި ޒިޔާރަތްކުރި ކުދިންނަށް އަމާޒުކޮށް ތަފާތު ހަރަކާތްތަކެއް މިފްކޯއިން ހިންގާފައި ވެއެވެ. އޭގެތެރޭގައި ކުޑަކުދިންނާ ގުޅުންހުރި ތަފާތު އެކި ފަންނުވެރި މަޖާ ހަރަކާތްތައް ހިމެނެއެވެ.
މިފްކޯއިން ބުނީ މިއަދު ހަމަ އެކަނި ހެޑް އޮފީހުގައި މިހަރަކާތް ހިންގި ނަމަވެސް، ގައުމީ ކުޑަކުދިންގެ ދުވަސްކަމަށްވާ މޭ މަހުގެ 10 ވަނަ ދުވަހު އެކުންފުނީގެ އެކި ސައިޓްތަކުގައި ކުޑަކުދިންގެ ދުވަސް ފާހަގަކުރުމުގެ ހަރަކާތްތައް ކުރިޔަށްގެންދާނެކަމަށެވެ.