މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ(މިފްކޯ)ގެ މަސް ފިހާރަތައް އީދަށް ބަންދުކުރުމަށްފަހު، ހުޅުވައިފި އެވެ.
މިފްކޯއިން ބުނީ، މިއަދުން ފެށިގެން އާއްމު ދުވަސްތަކާއި އެއްގޮތަށް މަސްފިހާރަތައް ހުޅުވާފައިވާކަމަށެވެ. މިގޮތުން މާލޭގައި ހުންނަ މިފްކޯގެ 2 މަސް ފިހާރައާއި، ހުޅުމާލެ ފޭސް 1 އަދި ފޭސް 2ގައި ހުންނަ މަސްފިހާރަވެސް މިއަދު 8:30 އިން ފެށިގެން ހުޅުވާފައިވާކަމަށް މިފްކޯއިން ބުންޏެވެ.
ޢީދު ބަންދަށް ފަހު، މާދަމާ ސަރުކާރު ހުޅުވޭއިރު، އަމިއްލަ އޮފީސްތަކާއި ކުންފުނިތަކުގެ އޮފީސްތަކުގެ ރަސްމީ މަސައްކަތް މިއަދުން ފެށިގެން ވަނީ ފަށާފައެވެ.