ރާއްޖޭގެ ކަނޑުގެ އިގުތިސާދީ ޚާއްސަ ސަރަހައްދުގައި މަސްވެރިކަން ކުރަން އުޅުނު ބޭރުގެ ބޯޓެއް އަތުލައިގަނެފި އެވެ.
މޯލްޑިވްސް ނެޝަނަލް ޑިފެންސް ފޯރސް(އެމްއެންޑީއެފް) އިން ބުނީ، އަތުލައިގަތީ ޤާނޫނާއި ޚިލާފަށް މަސްވެރިކަން ކުރަމުންދިޔަ ބޭރުގެ މަސް ބޯޓެއް ކަމަށާއި، މިހާރު އެބޯޓު ކޯސްޓްގާޑުގެ ބެލުމުގެ ދަށަށް ގެންގޮސްފައި ވާކަމަށެވެ.
ބައެއް މީޑިއާތަކުން ރިޕޯޓުކޮށްފައިވާ ގޮތުގައި، ރޭ އެ ބޯޓު އަތުލައިގަތީ ހއ. ކެލާގެ އިރުމަތިން، ރާއްޖޭގެ އީއީޒެޑުގެ 13 މޭލު އެތެރެއިންނެވެ. އަދި އެއީ އިންޑިއާއަށް ނިސްބަތްވާ ބޯޓެއްކަމަށްވެސް ރިޕޯޓުކޮށްފައި ވެއެވެ.