ރ. ފައިނުގައި އާންމުކޮށް މަސްވެރިކަންކުރަން ބޭނުންކުރަމުން އައި ޑިންގީއެއް ގެއްލިއްޖެ އެވެ.
ޑިންގީގެ ވެރިފަރާތުން ބުނީ، އެޑިންގީ އަކީ ކަނޑުގެ މަސްވެރިކަމާއި، ފަރުމަހުގެ މަސްވެރިކަންކުރަން ބޭނުންކުރަމުންއައި ޑިންގީއެއްކަމަށާއި، ޑިންގީ ގެއްލިފައިވަނީ ފައިނު ފަޅުގައި އަޅާފައި އޮއްވާ ރޭގެ ވަގުތެއްގައި ކަމަށެވެ. ގާތްގަނޑަކަށް 18 ފޫޓް ދިގުމިނުގެ އެ ޑިންގީ ގެއްލުނުއިރު އޭގައި މަސްވެރިކަމަށް ބޭނުންވާ ސާމާނުވެސްހުރިކަމަށް ވެރިފަރާތުން ބުންޏެވެ.
ޑިންގީ ގެއްލުމާގުޅިގެން ވެރިފަރާތުންވަނީ މިއަދު ހެނދުނު ފުލުހަށްވެސް ރިޕޯޓްކޮށްފަ އެވެ. އެހެންނަމަވެސް މިހާތަނަށް އާއިރު ޑިންގީ ފެނިފައެއް ނުވެއެވެ. ޑިންގީއާގުޅޭ އެއްވެސް މައުލޫމާތެއް ލިބިއްޖެނަމަ 7214404 ނަންބަރަށް ގުޅައި މައުލޫމާތު ހިއްސާކުރުމަށް ވެރިފަރާތުންވަނީ އެދިފައެވެ.