ކުރިޔަށްއޮތް ދެ ދުވަހު ރާއްޖޭގެ އެކި ސަރަަހައްދުތަަކަށް ވިއްސާރަ ކުރާނެކަަމަށް މޫސުމާ ބެހޭ ގައުމީ އިދާރާއިން ލަފާކޮށްފި އެވެ.
ކުރިޔަށް އޮތް ތިން ދުވަހަށް މޫސުން ކުރިޔަށް ލަފާކޮށް މެޓް އޮފީހުން ބުނެފައިވަނީ، ރާއްޖޭގެ އިރުމަތީގައި އުފެދިފައިވާ ކޮޅިގަނޑު މަޑުމަޑުން ހުޅަނގަށް ޖެހޭނެކަމަށް ލަފާކުރެވޭތީ އަންގާރަ އަދި ބުދަ ދުވަހު ރާއްޖޭގެ އެކިހިސާބަށް ވިއްސާރަކުރުން އެކަށީގެންވާކަމަށެވެ. އަދި، އުތުރާއި މެދުރާއްޖެތެރޭގެ ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާކަމަށް ބުނެފައި ވެއެވެ.
ކުރިޔަށް އޮތް ދެ ދުވަހު ވިއްސާރަވާނެކަމަށް ލަފާކޮށް މެޓް އޮފީހުން ވަނީ ހުރިހާ ފަރާތްތަކުން މޫސުމަށް ސަމާލުވުމަށް އިލްތިމާސްކޮށްފަ އެވެ.
މެޓް އޮފީހުން ބުނާގޮތުގައި ކުރިޔަށް އޮތް 24 ގަޑީއިރު، ބައެއް ރަށްތަކަށް ކެރީގެ އަސަރު ކުރިނަމަވެސް އާންމުގޮތެއްގައި މޫސުން ރަނގަޅުވާނެއެވެ. ވައިޖެހޭނެކަމަށް ލަފާކޮށްފައިވަނީ އުތުރާއި އިރުއުތުރުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގަ އެވެ. ކަނޑުތައް އާދައިގެ ވަރަކަށް މަޑުވެފައި، ރާޅު ނަގާނީ 2-4 ފޫޓް އުސްމިނުގައި ކަމަށް މެޓުން ލަފާކޮށްފައި ވެއެވެ.