back to top
29 C
Malé
- އިސްތިހާރު -spot_imgspot_img

މަގްބޫލް ލިޔުންތައް

ތުޅާދޫ ބަނދަރުގައި މަސްކަނޑާ ތަނެއް އަޅައިދޭނެ ފަރާތެއް ހޯދަނީ

ބ. ތުޅާދޫ ބަނދަރު ސަރަހައްދުގައި މަސްކަނޑާ ތަނެއް އަޅައިދޭނެ ފަރާތެއް ހޯދުމަށް ބީލަމަށް ހުޅުވާލައިފި އެވެ.

ބ. ތުޅާދޫ ކައުންސިލުން ބުނީ ބީލަން ހުޅުވާލާފައި ވަނީ ދިވެހިރާއްޖޭގެ ކުންފުންޏާބެހޭ ޤާނޫނުގެ ދަށުން ރަޖިސްޓުރީ ކުރެވިފައިވާ ކުންފުނިތަކާއި، ޕާޓްނަރޝިޕް ޤާނޫނުގެ ދަށުން ރަޖިސްޓުރީ ކުރެވިފައިވާ ޕާޓްނަރޝިޕްތަކަށާއި، ކޯޕަރޭޓިވް ސޮސައިޓީގެ ޤާނޫނުގެ ދަށުން ރަޖިސްޓުރީ ކުރެވިފައިވާ ކޯޕަރޭޓިވް ސޮސައިޓީތަކަށާއި، އަމިއްލަ ފަރުދުންގެ ވިޔަފާރީގެ ޤާނޫނުގެ ދަށުން ރަޖިސްޓުރީ ކުރެވިފައިވާ އަމިއްލަ ފަރުދުންގެ ވިޔަފާރިތަކަށް ކަމަށެވެ.

ބީލަން ހުށަހަޅަން ބޭނުންވާ ފަރާތްތަކުން މާރިޗު 12 ވާ ބުދަ ދުވަހުގެ 13:00 ގެ ނިޔަލަށް މިލިންކް މެދުވެރިކޮށް ”ބީލަން ހުށަހެޅުމަށް ރަޖިސްޓްރީކޮށްދިނުމަށް އެދޭ ފޯމް“ ފުރިހަމަކޮށް ރަޖިސްޓްރީކުރަންޖެހެއެވެ. ބީލަން ހުށަހެޅޭނީ މިމުއްދަތުގައި ރަޖިސްޓްރީ ކުރާ ފަރާތްތަކަށް އެކަނިކަމަށްވެސް ކައުންސިލުން ބުނެފައި ވެއެވެ.

ބީލަން ހުށަހެޅުމާއި ބީލަން ހުޅުވުން އޮންނާނީ މާރިޗު 18 ވާ އަންގާރަ ދުވަހުގެ 10:15ގައި ކައުންސިލް އިދާރާގެ ޕްރޮކިއުމެންޓް ސެކްޝަންގައެވެ.

މި ބީލަމާ ގުޅޭގޮތުން އެއްވެސް ސުވާލެއް އޮތްނަމަ ނުވަތަ މަޢުލޫމާތެއް ސާފުކުރަން ބޭނުންވާނަމަ 2025 މާރިޗު 13 ވާ ބުރާސްފަތި ދުވަހުގެ 13:00 ގެ ކުރިން [email protected] އަށް މެއިލްކުރުމަށް ކައުންސިލުން އެދިފައި ވެއެވެ.

މިލިޔުމާއި ގުޅޭ