ގދަ އަތޮޅުގެ ކަނޑުގެ ސަރަަހައްދުން ޑައިވަރުންތަކެއް އޮޔާދަނިކޮށް ފުލުން ސަލާމަތްކޮށްފި އެވެ.
ފުލުހުން ސަލާމަތްކޮށްފައިވަނީ ގދ ގަން ކައިރިން ބެހިގެން އޮޔާދިޔަ 13 ޑައިވަރެކެވެ. މީގެ ތެރޭގައި ރަޝިޔާ 10 ޑައިވަރުން ހިމެނެއެވެ. އެއީ ފަތުރުވެރިންކަމެއް ޔަގީންވެފައެއް ނުވެއެވެ. މީގެ ތެރޭގައި ބިދޭސީ އިންސްޓްރަކްޓަރަކާއި ތިން ދިވެހި އިންސްޓްރަކްޓަރުން ހިމެނެއެވެ.
ކަނޑުގެ ގަދަ އޮއިގައި ޖެހި މިމީހުން އޮޔާ ދަނިކޮށް ފެނުނީ ފުވައްމުލަކުން ގައްދޫއަށް ދަތުރުކުރި މެރިން ޕޮލިހުގެ ލޯންޗަކަށެވެ. އެންމެ ފުރަތަމަ ފެނުނީ 2 މީހުންނެވެ. އެމީހުން އިތުރު މީހުން ގެއްލިފައިވާ ކަމަށް ބުނެގެން، މެރިން ފުލުހުން ހިންގި ރެސްކިއު އޮޕަރޭޝަންގައި ބާކީ ތިބި މީހުން ހޯދިއެވެ.
މިއިން އެއްވެސް މީހަކަށް އަނިޔާއެއް ނުވާކަމަށާއި، އެމީހުން ސަލާމަތްތެރިކަމާއެކު ގައްދޫއަށް ގެންގޮސްދީފައިވާ ކަމަށް ފުލުހުން ބުނެއެވެ.
ފުލުހުން ބުނީ މިހާދިސާ ހަނދުމަކޮށް މި ދުވަސްވަރު ޑައިވަށް ދާއިރު އެންމެހައި ފަރާތްތަކުންވެސް އެންމެންްގެ ރައްކާތެރިކަމަށް ބަލައިގެން، ސަލާމަަތްތެރިކަމުގެ ފިޔަވަޅު އަޅައި، އަދި މޫސުމީ ނުވަތަ ކަނޑުގެ މައުލޫމާތަށް ބަަލައިގެން ދަތުރުކުރުމަށް އިސްކަން ދޭންޖެހޭކަމަށެވެ.