މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ(މިފްކޯ)ގެ ސީއީއޯކަމުގެ މަގާމުގައި ހުންނެވި ވިތާލީ ލުބިމޯފް މަގާމުން ވަކިކޮށްފި އެވެ.
ޕްރައިވެޓައިޒޭޝަން އެންޑް ކޯޕޮރޮޓައިޒޭޝަން ބޯޑް(ޕީސީބީ)އިން މިރޭ އެކްސްގައި ހިއްސާކުރި ޕޯސްޓެއްގައި ބުނެފައިވަނީ ވިތާލީ މިފްކޯގެ މެނޭޖިން ޑިރެކްޓަރ އަދި ޗީފް އެގްޒެކްޓިވް އޮފިސަރ ކަމުގެ މަޤާމުން މިއަދު ވަކިކޮށްފައިވާކަމަށެވެ. އެހެންނަމަވެސް ވަކިކުރި ސަބަބު އަދި ހާމަކޮށްފައެއް ނުވެއެވެ.
މިފްކޯގެ ސީއީއޯގެ މަގާމަށް މިިދިޔަ އަހަރުގެ ޑިސެންބަރު މަހު ވިތާލީ އައްޔަންކުރެއްވީ އެ ކުންފުނީގެ ސީއީއޯގެ މަގާމު ހުސްވެފައިވާތާ ހަ މަސްފަހުންނެވެ. އޭގެ ކުރިން އެމަގާމުގައި ހުންނެވި އަހްމަދު ޝަމާހް ރަޝީދު ސީއީއޯގެ މަގާމުންނާއި މިފްކޯގެ ބޯޑު ޑިރެކްޓަރު ކަމުގެ މަގާމުން ވަކިކުރެއްވީ އެއަހަރުގެ މެއި މަހުގެ 21 ވަނަ ދުވަހު އެވެ. ސީއީއޯއަކު ނެތި ހިނގައިދިޔަ މުއްދަތުގައި، އެކުންފުނި ވަގުތީ ގޮތުނު ހިންގަމުން ދިޔައީ އެ ކުންފުނީގެ އޭރުގެ ޗީފް ފައިނޭންޝިއަލް އޮފިސަރު އިލްޔާސް ހަނީފް އެވެ.