ކުޅުދުއްފުށި ސިޓީގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ ފަރާތުން އިންތިޒާމް ކުރާ ”ކަނބަލުންގެ މަސް ރޭސް 2025“ ރާވާ ހިންގައިދޭނެ ފަރާތެއް ހޯދުމުގެ މަސައްކަތް ސިޓީ ކައުންސިލުން ފަށައިފި އެވެ.
ކައުންސިލުން މިކަމާ ގުޅޭގޮތުން އާންމުކޮށްފައިވާ އިއުލާނުގައި ބުނެފައިވަނީ، މަސް ރޭސް ރާވާ ހިންގުމަށް ޝައުގުވެރިވާ ފަރާތްތަކުން އެކަމާގުޅޭ މަޢުލޫމާތު ސާފުކުރުމަށްފަހު އަންދާސީ ހިސާބު ހުށަހެޅުމަށް އެދޭކަމަށެވެ. ކައުންސިލްގެ އީމެއިލް [email protected] މެދުވެރިކޮށް މިމަހުގެ 4 ވަނަދުވަހުގެ 10:30 ގެ ނިޔަލަށް މައުލޫމާތު ސާފުކުރެވޭނެއެވެ.
މި މަސައްކަތަށް އަންދާސީ ހިސާބު ހުށަހެޅޭނީ ބީލަމުގައި ރަޖިސްޓްރީވެގެންނެވެ. ރަޖިސްޓްރީކުރުމުގެ ސުންގަޑިއަކީ މިމަހުގެ 5ވަނަ ދުވަހުގެ 10:30 އެވެ.
ރަޖިސްޓްރީ ލިންކް: https://forms.office.com/r/vR5x4P7MPm
މި މަސައްކަތަށް އަންދާސީ ހިސާބު ހުށަހެޅޭނީ މިނިސްޓްރީ އޮފް އިކޮނޮމިކް ޑިވެލޮޕްމަންޓްގައި ވިޔަފާރި ރަޖިސްޓްރީ ކޮށްފައިވާ ފަރާތްތަކަށާއި، ދިވެހިރާއްޖޭގައި ރަޖިސްޓްރީ ކުރެވިފައިވާ ކުޅިވަރު ޖަމްޢިއްޔާ ޖަމާޢަތްތަކަށް އަދި މި ބީލަމުގައި ރަޖިސްޓްރީވާ ފަރާތްތަކަށް އެކަނި ކަމަށް ސިޓީ ކައުންސިލުން ބުނެފައި ވެއެވެ.
ކުޅުދުއްފުށި ސިޓީގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ ފަރާތުން އިންތިޒާމްކޮށްގެން މީގެކުރިންވެސް ކަނބަލުންނަށް ޚާއްސަ މަސް ރޭސްތައް ކާމިޔާބުކަމާއެކު ބާއްވާފައި ވެއެވެ.