back to top
29 C
Malé
- އިސްތިހާރު -spot_imgspot_img

މަގްބޫލް ލިޔުންތައް

ކުޑަ ހުވަދޫގައި ވިޔަފާރި ބަނދަރެއް ތަރައްގީކުރަނީ

ދ. ކުޑަ ހުވަދޫގައި ގާއިމުކުރުމަށް ސަރުކާރުން ނިންމާފައިވާ ވިޔަފާރި ބަނދަރު މަޝްރޫއުގެ މަސައްކަތް މޯލްޑިވްސް ޕޯޓްސް ލިމިޓެޑް(އެމްޕީއެލް) އާ ހަވާލުކޮށްފި އެވެ.

މި މަޝްރޫއުގެ މަސައްކަތުގެ އެއްބަސްވުމުގައި ސޮއިކޮށްފައިވަނީ ރައީސުލްޖުމްހޫރިއްޔާ މިހާރު ދ އަތޮޅަށް ކުރައްވަމުން ގެންދަވާ ދަތުރުފުޅުގައި ރޭ އެއަތޮޅު ކުޑަ ހުވަދޫގައި ބޭއްވި ރަސްމިއްޔާތެއްގަ އެވެ.

މަޝްރޫއުގެ އެއްބަސްވުމުގައި ސަރުކާރުގެ ފަރާތުން އިކޮނޮމިކް މިނިސްޓަރު މުހައްމަދު ސައީދު ސޮއިކުރެއްވިއިރު އެމްޕީއެލްގެ ފަރާތުން ސޮއިކުރެއްވީ އެކުންފުނީގެ ސީއީއޯ މުހައްމަދު ރިޝްވާންއެވެ.

މި އެއްބަސްވުމުގެ ދަށުން އެމްޕީއެލްއިން ކުޑަ ހުވަދޫ ވިޔަފާރި ބަނދަރު ތަރައްގީކޮށް ހިންގާނެއެވެ. އެމްޕީއެލްއިން ބުނެފައިވަނީ ވިޔަފާރި ބަނދަރާއެކު ބޮންޑެޑް ވެއަރ ހައުސްއެއް ގާއިމުކުރުމަށްވެސް ކުރިޔަށް ރާވާފައިވާކަމަށެވެ.

ކުޑަހުވަދޫއަކީ ސަރުކާރުން އާބަން ސެންޓަރުގެ ގޮތުގައި ތަރައްގީކުރަން ނިންމާފައިވާ ހަތް ސަރަހައްދުގެ ތެރޭގައި ހިމެނޭ ރަށެކެވެ.

މިލިޔުމާއި ގުޅޭ