ރ. އަލިފުށީގައި މަސް މާރުކޭޓެއް އެޅުމުގެ މަސައްކަތް ކޮށްދޭނެ ފަރާތެއް ހޯދުމުގެ މަސައްކަތް އެރަށު ކައުންސިލުން ފަށައިފި އެވެ.
ރ. އަލިފުށީ ކައުންސިލުން ބުނީ މަސް މާރުކޭޓް އަޅުމުގެ މަސައްކަތަށް ޝައުޤުވެރިވާ ފަރާތްތަކަށް ބީލަމުގައި ރަޖިސްޓްރީވުމުގެ ފުރުސަތު މިމަހުގެ 13 ވަނަ ދުވަހު ހުޅުވާލާފައިވާ ކަމަށެވެ. ބީލަމުގައި ރަޖިސްޓްރީކުރުމަށް https://forms.office.com/r/iQbpuNWD7X މިލިންކްގައިވާ ފޯމް ފެބުރުވަރީ 25 ވަނަ ދުވަހުގެ 10:00 ގެ ކުރިން ފުރިހަމަކުުރުމަށް ކައުންސިލުން އެދިފައި ވެއެވެ. އަންދާސީ ހިސާބު ހުށަހެޅުން އޮންނާނީ ފެބުރުވަރީ 25 ވަނަ ދުވަހުގެ 11:00 ގައި އަލިފުށީ ކައުންސިލް އިދާރާގެ އިކޮނޮމިކް ސޯޝަލް އެންޑް މުނިސިޕަލް ސަރވިސް ޔުނިޓް ގައެވެ. ކައުންސިލުން ބުނީ، އަންދާސީ ހިސާބު ހުށަހަޅައި ނިމުމުން، އަންދާސީ ހިސާބު ހުށަހެޅި ފަރާތްތައް ނުވަތަ އެފަރާތްތަކުން ކަނޑައަޅާފައިވާ ފަރާތްތަކުގެ ހާޒިރުގައި އެ ހުޅުވާނެކަމަށެވެ. އެހެންނަމަވެސް، ބިޑް އިވެލުއޭޝަން ކޮމިޓީން ބެލުމަށް ފަހު، ޝަރުޠު ހަމަނުވާ ފަރާތްތައް ޑިސްކޮލިފައި ކުރުމަށް ފަހު ނަތީޖާ އިއުލާން ކުރެވޭނެކަމަށެވެ. އަދި، ބިޑް މީޓިންގައި އެއްވެސް ލިޔެކިޔުމަކަށް އުނި އިތުރު ގެނައުމުގެ ފުރުސަތު ނުދޭނެކަމަށް ކައުންސިލުން ބުނެފައި ވެއެވެ.
މަސް މާރެކޭޓް އެޅުމުގެ މަސައްކަތް ކުރުމަށް ބީލަން ހުށަހެޅޭނީ މިނިސްޓްރީ އޮފް އިކޮނޮމިކް ޑިވެލޮޕްމަންޓް ގައި ވިޔަފާރި ރަޖިސްޓްރީކޮށްފައިވާ ފަރާތްތަކަށް އެކަނި ކަމަށް ކައުންސިލުން ބުނެފައި ވެއެވެ. އަދި ގަޑިޖެހުމަށްފަހު ހުށަހަޅާ އަންދާސީ ހިސާބުތަކާއި، ބިޑް ރަޖިސްޓްރީ ނުކުރާ ފަރާތްތަކުގެ އަންދާސީ ހިސާބުތައް ބަލައިނުގަންނާނެކަމަށްވެސް ކައުންސިލުން ބުންޏެވެ.
މަސް މާރުކޭޓް އެޅުމުގެ މަސައްކަތާއި ގުޅޭ މައުލޫމާތު ދިނުމުގެ ބައްދަލުވުމެއް މިމަހުގެ 17 ވާ ހޯމަ ދުވަހުގެ 11:00 ގައި އަލިފުށި ކައުންސިލް އިދާރާގައި އޮންނާނެެއެވެ.