ގްރޭޓަރ މާލެ އޭރިއާގެ ކަނޑުގެ ސަރަހައްދުގައި ބަހައްޓާފައިވާ ނެވިގޭޝަން ލައިޓްތަކުގެ ހާލަތު ބެލުމަށް އިންސްޕެކްޝަން ހަރަކާތެއް ހިންގައިފި އެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލްއޭޝަނާއި، މޯލްޑިވްސް ޕޯޓްސް ލިމިޓެޑް (އެމްޕީއެލް) ގުޅިގެން މި އިންސްޕެކްޝަން ހަރަކާތް ކުރިޔަށް ގެންދިޔައީ މިދިޔަ ހަފްތާގެ ބުރާސްފަތި ދުވަހު ހެނދުނު 11:00 އިން ފެށިގެން މެންދުރުފަހު 1:00 އާ ހަމައަށެވެ.
މި އިންސްޕެކްޝަން ހަރަކާތަކީ ނެވިގޭޝަން ލައިޓްތަކުގެ ހާލަތު ބަލައި، މަރާމާތު ކުރަންޖެހޭ ތަންތަން ފާހަގަކޮށް، އަވަސް ފިޔަވަޅުތަކެއް އެޅުމުގެ މަގުސަދުގައި ކުރިޔަށް ގެންދިޔަ ހަރަކާތެއްކަމަށް ޓްރާންސްޕޯޓް މިނިސްޓްރީން ބުންޏެވެ.
އެމްޕީއެލްގެ ޓެކްނިކަލް ޓީމާއި ޓްރާންސްޕޯޓްެ މިނިސްޓްރީގެ ބޭފުޅުން ހިމެނޭ ގޮތަށް ކުރިއަށް ގެންދެވުނު މި އިންސްޕެކްޝަން ހަރަކާތުގައި، މާލެ އަދި ހުޅުމާލެ ސަރަހައްދުގައި ހުރި ގިނަ އަދަދެއްގެ ނެވިގޭޝަން ލައިޓް ބަލައި ފާސްކުރިއެވެ. މި އިންސްޕެކްޝަން ހަރަކާތުން ލިބުނު މަޢުލޫމާތުގެ އަލީގައި، ކުރިއަށް އޮތް ދުވަސްތަކުގައި ލައިޓްތައް މަރާމާތުކޮށް، ބަދަލުކުރަންޖެހޭ ލައިޓްތައް ބަދަލުކުރުމުގެ މަސައްކަތް ކުރިއަށް ގެންދާނެކަމަށް ޓްރާންސްޕޯޓް މިނިސްޓްރީން ބުންޏެވެ.
ނެވިގޭޝަން ލައިޓަކީ ރައްކާތެރިކަމާއެކު ކަނޑުގެ ދަތުރުފަތުރުތައް ކުރުމަށް މުހިންމު ދައުރެއް އަދާކުރާ ވަސީލަތެކެވެ.