ލ.ދަނބިދޫގައި މަސްކެނޑުމަށް އަށްޓެއް އަޅައިދޭނެ ފަރާތެއް ހޯދުމުގެ މަސައްކަތް އެރަށު ކައުންސިލުން ފަށައިފި އެވެ.
ދަނބިދޫ ކައުންސިލުން ބުނީ، އަށި އަޅައިދިނުމުގެ މަސައްކަތް ކޮށްދިނުމަށް ޝައުޤުވެރިވާ ފަރާތްތަކުން 09 ފެބްރުވަރީ 2025 އާދިއްތަ ދުވަހުގެ 13:00 ގެ ކުރިން ބިޑް ރަޖިސްޓްރީކޮށް އަންދާސީ ހިސާބު ހުށަހެޅުމަށް އެދޭ ކަމަށެވެ. ބިޑު ރަޖިސްޓްރީ ސްލިޕް ފުރާފައި ކައުންސިލުގެ އީ މެއިލް ([email protected]) އަށް ފޮނުވައިގެން ނުވަތަ ކައުންސިލަށް ގޮސް ބީލަމުގައި ރަޖިސްޓްރީކުރެވިދާނެކަމަށްވެސް ކައުންސިލުން ބުނެފައި ވެއެވެ.
މި މަސައްކަތާ ގުޅޭ މަޢުލޫމާތު ދިނުމުގެ ޝެޝަނެއް 03 ފެބްރުވަރީ 2025 ހޯމަ ދުވަހުގެ 13:00 ގައި ކައުންސިލް އިދާރާގައި ބާއްވާނެކަމަށާއި، ބިޑަށް ކުރިމަތިލާ ފަރާތްތަކުން މައުލޫމާތު ދިނުމުގެ ޝެޝަންގައި ބައިވެރިވުން ކޮންމެހެން ލާޒިމެއް ނޫންކަމަށް ކައުންސިލުން ބުނެފައި ވެއެވެ.
އަށި އެޅުމުގެ މަސައްކަތަށް އަންދާސީ ހިސާބު ހުށަހެޅޭނީ މިނިސްޓްރީ އޮފް އިކޮނޮމިކް ޑިވެލޮޕްމަންޓް ގައި ރަޖިސްޓްރީކޮށްފައިވާ ފަރާތްތަކަށް އެކަންޏެވެ.
އިތުރު މައުލޫމާތު ސާފުކުރަން ބޭނުންވާނަަަމަ، ސަރުކާރު ބަންދުނޫން ދުވަސްތަކުގެ ރަސްމީ ގަޑީގައި ކައުންސިލް އިދާރާގެ ފޯން 6800724 ނަންބަރަށް ގުޅާލުމުން މަޢުލޫމާތު ލިބިވަޑައިގަންނަވާނެއެވެ.