back to top
29 C
Malé
- އިސްތިހާރު -spot_imgspot_img

މަގްބޫލް ލިޔުންތައް

މާއެނބޫދޫގައި މަސްވެރިކަން ކުރަމުންއައި ”ނަތީޖާ-3“ ދޯނި ވިއްކާލަނީ

ދ. މާއެނބޫދޫގައި މަސްވެރިކަންކުރަމުން އައި ”ނަތީޖާ-3“ ދޯނި ވިއްކާލަން ނިންމައިފި އެވެ.

ދޯނީގެ އެއް ހިއްސާދާރުކަމަށްވާ އަލީ ނަސީރު ބުނީ، ދޯންޏަކީ އޭނާގެ އާއިލާއިން ބަނދެ އޭނާގެ ނަމުގައި މީގެ ކުރިން އޮޕަރޭޓްކުރަމުން އައި ދޯންޏެއްނަމަވެސް، އެއީ އާއިލީ މުދަލަކަށްވާތީ، މައިންބަފައިން ދުނިޔޭގަ ނެތުމާއެކު، މިހާރު އާއިލާގެ އެހެން ހުރިހައި މެންބަރުންގެ ނަން މައްޗަށް ދޯނީގެ ރަޖިސްޓްރީ ބަަދަލުކޮށްފައިވާކަމަށެވެ. އަދި، ދޯނި ވިއްކާލަނީ މިވަގުތު އޭނާގެ ސިއްހީ ހާލަތުހުރިގޮތުން ދޯނި އެކަށިގެންވާގޮތެއްގައި ނުހިންގޭތީ އެކަށީގެންވާ އާމްދަނީއެއްވެސް ނުލިބި ދިގުލައިގެންދާތީ، މިވަގުތައް އޮތް އެންމެ ރަނގަޅު ގޮތަކީ ވިއްކާލުން ކަމަށް އާއިލާ މެންބަރުން  ދެކޭތީކަމަށް ނަސީރު ބުންޏެވެ.

”ކުރިން ރިސޯޓުގެ ވަޒީފާގަ އުޅެފަ ކެންޑިގެން އައިސް ރަށުގަ ހުރެގެން ދޯނި އޮޕަރޭޓްކުރަމުން އައީ. މީގެ 10 ވަރަކަށް އަހަރު ކުރިން ދޯނި ބަނީ، އޮޕަރޭޓްކުރާތާ 8 އަހަރު މިވީ. މަގޭ ނަމުގަ ކުރިން ދޯނި އޮތް ނަމަވެސް، މިއީ ތަރިކަ މުދަލެއްގެ ގޮތުގައި ބަލައި އާއިލާ ހުރިހައި މެންބަރުންގެ ނަން މައްޗަށް މިހާރު މިއޮތީ ބަދަލުކޮށްފަ. ސިއްހީ ހާލަތު މިވަގުތު ހުރިގޮތުން ދޯނި އަމިއްލައަށް އޮޕަރޭޓްކުރަން މިހާރު ވަރަށް ދަތި. ތިން މަސްވެއްޖެ މިހާރު ދޯނި މަހަށް ނުދާތާވެސް. އެހެންވީމަ މިވަގުތު އެންމެ ރަނގަޅު ގޮތަކީ ދޯނި ވިއްކާލާފަ އެންމެންގެ މެދުގައި ފައިސާ ބަހާލުންކަމަށް އެންމެންވެސް އެއްބަސްވަނީ. އެހެންވެ މިވިއްކާލަނީ.“ އަލީ ނަސީރު ބުންޏެވެ.

90 ފޫޓް ދިގު ”ނަތީޖާ-3“ ދޯންޏަކީ 6 މިލިއަން ރުފިޔާ ޚަރަދުކޮށްގެން ބަނދެފައިވާ ދޯންޏެކެވެ. އެހެންނަމަވެސް މިވަގުތު ވިއްކާލަން ނިންމާފައިވަނީ 4 މިލިއަން ރުފިޔާ އަށެވެ. ނަސީރު ބުނީ، އެއްފަހަރާ ފައިސާ ދައްކާ ފަރާތަކަށް 4 މިލިއަން ރުފިޔާއަށް ވިއްކާލާނެކަމަށާއި، އަދި ވަގުތުން އެގަންނަ ފަރާތެއްގެ ނަމަށް ދޯނީގެ ރަޖިސްޓްރީ ބަދަލުކޮށްދޭނެކަމަށެވެ.

ދޯނީގައި އާރްއެސްޑަބްލިއު ސިސްޓަމާއި ރާޑަރު ސިސްޓަމް ނެތްނަމަވެސް، މަސްވެރިކަން ކުރަން ބޭނުންވާ ހުރިހައި އާލާތްތައް އޭގައި ހުންނާނެކަމަށް ނަސީރު ބުންޏެވެ. އޭގެތެރޭގައި އެންދަމަން ބޭނުންކުރާ ލައިޓްތައްވެސް ހިމެނެއެވެ.

ދޯނި ގަންނނަން ޝައުގުވެރިވާ ފަރާތްތަކުން 9171818 އަށް ގުޅާލުމުން ދޯންޏާއި ގުޅޭ އިތުރު މައުލޫމާތު ފޯރުކޮށްދޭނެކަމަށް ނަސީރު ބުންޏެވެ.

މިލިޔުމާއި ގުޅޭ