މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ(އެމްޓީސީސީ) ގެ ކަށަަވަރު ޓީމް މިހާރު ހުވަދު އަތޮޅަށް ކުރަމުންދާ ”ސޭލްސް ޕްރޮމޯޝަން“ ދަތުރުގައި އެއަތޮޅުގެ ގިނަ ރަށްތަކަކަށް ޒިޔާރަތްކޮށްފި އެވެ.
މިމަހުގެ 22 އިން މިމަހުގެ 28ގެ ނިޔަލަށް އެ ޓީމުން ހުވަދު އަަތޮޅަށް ޚާއްސަކޮށްގެން ކުރިޔަށްގެންދާ މިދަތުރުގައި މިހާތަނަށް ވަނީ، ގއ އަތޮޅުގެ ނިލަންދޫ، ދާންދޫ، ވިލިނގިލި، މާމެންދޫ އަދި ގދ އަތޮޅުގެ މަޑަވެލި، ހޯނޑެއްދޫ، ތިނަދޫއަށް ޒިޔާރަތްކޮށްފައި ވެއެވެ. މި ދަތުރުގައި، އެ ރަށްރަށުގެ ބޯޓް ޔާޑްތަކަށް ޒިޔާރަތްކޮށް، އޮޑިފަަހަރު ބަންނަ ފަރާތްތަކާއި ކަސްޓަމަރުންނާ ބައްދަލުކޮށްފައިވެ އެވެ. އަދި ބަނދަރު ސަރަހައްދަށް ޒިޔާރަތްކޮށް، އިންޖީނު އިންސްޕެކްޝަންތައް ހަދައި، އެމްޓީސީސީން ވިއްކާ އުފެއްދުންތަކުގެ މައުލޫމާތު ހިއްސާކޮށްފައި ވެއެވެ.
މީގެ އިތުރުން ގދ ތިނަދޫ އާއި ގއ ވިލިނގިލީގައި ވަނީ ”ޓެކްނިކަލް އެވެއަރނެސް ޕްރޮގްރާމް“ ވެސް ބާއްވާފަ އެވެ. މި ޕްރޮގްރާމްގައި އެމްޓީސީސީން ވިއްކާ ޔަންމާ އިންބޯޑް އަދި އައުޓްބޯޑް އިންޖީނާ ބެހޭ މައުލޫމާތު ޕްރޮގްރާމްގެ ބައިވެރިންނާ ހިއްސާކޮށްފައި ވެއެވެ.