back to top
28 C
Malé
- އިސްތިހާރު -spot_imgspot_img

މަގްބޫލް ލިޔުންތައް

ކޫއްޑޫގައި މަސްކިރަން ބޭނުންކުރާ ކްރޭން-2 މަރާމަތު ކުރުމުގެ މަސައްކަތް ކުރިޔަށް!

ކޫއްޑޫ ފިޝަރީޒް ކޮމްޕްލެކްސް(ކޭއެފްސީ) ގައި މަސްކިރަން ބޭނުންކުރަމުން އަންނަ ކްރޭންތަކުގެ ތެރެއިން ހަލާކުވެފައިވާ ކްރޭން މަރާމާތު ކުރުމުގެ މަސައްކަތްތައް ހުއްޓާނުލާ ކުރިޔަށްދާ ކަމަށް އެތަން ހިންގަމުން އަންނަ، މޯލްޑިވްސް އިންޑަސްޓްރިއަލް ފިޝަރީޒް(މިފްކޯ) އިން ބުނެފި އެވެ.

ކޭއެފްސީގައި މަސް ކިރަން ބޭނުން ކުރަމުންދަނީ 4 ކްރޭން އެވެ. އެތަނުން ކްރޭން-2 ހަލާކުވެ މިފްކޯގެ އިންޖިނިއަރުން ދަނީ، އެ މަރާމާތު ކުރުމުގެ މަސައްކަތް ކުރަމުންނެވެ.

މައްސަލަ ދިމާވި ކްރޭން މިއަދު އޮޕަރޭޝަނަށް ގެންނާނަން: މިފްކޯ

މިފްކޯއިން ބުނީ، ކްރޭން-2 ވީހާވެސް އަވަހަށް އޮޕަރޭޝަނަށް ގެނައުމަށްޓަކައި، ކުންފުނީގެ އިންޖިނިއަރުން ކެނޑިނޭޅި މަސައްކަތްކުރަމުން އަންނަކަމަށެވެ. އަދި ކްރޭން އޮޕަރޭޝަނަށް ގަނައުމަށްފަހު ނޫނީ އިންޖިނިއަރުން މަސައްކަތް ހުއްޓާނުލާނެކަމަށް މިފްކޯއިން ބުނެފައި ވެއެވެ.

ކެޔޮޅުން ބުނާގޮތުގައި ކްރޭން-2 ހަލާކުވެފައި އޮތުމުން މަސް ކިރުމުގެ ސްޕީޑް ވަނީ ދަށްވެފަ އެވެ. އަދި، މި ދުވަސްވަރު ގިނަ އަދަދެއްގެ އޮޑިފަހަރު މަސްކިރަން ކޭއެފްސީއަށް ގާތްކުރަމުންދާއިރު، މަސްކިރުން ލަސްވެ ގިނަ ވަގުތު ބަނދަރުގައި އަޅާފައި އޮންނަންޖެހުން މިއީ ވަރަށް ކަންބޮޑުވާންޖެހޭ މައްސަލައެއްގެ ގޮތުގައި ކެޔޮޅުން ފާހަނގަކުރެއެވެ. އަދި، އިރުވައި މޫސުމާ ދިމާކޮށް މަސްވެރިކަން ރަނގަޅުވެ، ކިރާ މަހަށް 48 ގަޑީއިރުގެތެރޭގައި ފައިސާ ދޫކުރަމުންދާތީ ގިނަ އޮޑި ފަހަރުތައް މަހަށް ނިކުމެ ގިނަ އަދަދަކަށް މަސް ބާނަމުންދާއިރު، އެ ބާނާ މަސް ލުއި ފަސޭހަގޮތެއްގައި ކިރޭނެ އިންތިޒާމު ކޫއްޑޫގައި ހަމަޖެހިފައ ނެތުމަކީ، މިކަމަށް ސަމާލުކަން ދީފައިނުވާކަން އަންގައިދޭކަމުގެ ހެއްކެއްކަމުގައިވެސް ކެޔޮޅުން ފާހަގަކޮށްފައި ވެއެވެ.

ކޫޢްޑޫއަށް މަސް ކިރުމުގައި ގިނަ ވަގުތު ހޭދަކުރަން ޖެހުމާއި، އެތަނުގެ އައިސް ޕްލާންޓް ހަލާކުވެ އައިސް ނުލިބުމާއި، ކޮންޓްރޯލްކޮށްގެން ތެޔޮ ވިއްކުމާއި ގުޅިގެން މަސްވެރިންދަނީ ސޯޝަލް މީޑިއާގެ އެކި މަންސަތަކުގައި ކަންބޮޑުވުން ފާޅުކޮށް މިފްކޯއާއި ސަރުކާރަށް ފާޑު ކިޔަމުންނެވެ.

މިލިޔުމާއި ގުޅޭ