ށ. ފުނަދޫގައި ތަރައްގީ ކުރުމަށް ސަރުކާރުން ނިންމާފައިވާ އައިސް ޕްލާންޓްގެ މަސައްކަތް އަންނަ ރޯދަމަހަށް ފަހު ފަށާނެކަމަށް ފިޝަރީޒް މިނިސްޓަރު އަހްމދު ޝިޔާމް ވިދާޅުވެއްޖެއެވެ.
ރައީސްއާ އެކު އުތުރަށް މިހާރު ކުރައްވަމުން ގެންދަވާ ދަތުުރުގައި ފުނަދޫ ރައްޔިތުންނާއެކު ބޭއްވި ބައްދަލުކުރެއްވުމުގައި ވާހަކަފުޅު ދައްކަވަމުން ޝިޔާމް ވިދާޅުވީ، ރޯދަ މަސް ނިމުމުން އައިސް ޕްލާންޓުގެ މަސައްކަތް ފެށޭވަރު ވާނެ ކަމަށާއި، އަމާޒަކީ ތިން މަސް ދުވަހުގެ ތެރޭގައި އެ ޕްލާންޓް ގާއިމުކޮށް ނިންމާލުން ކަމަށް މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ އެ ޕްރޮޖެކްޓްގެ މަސައްކަތް މިހާރު އޮތީ ޓެންޑާ ކުރުމާއި ހިސާބުގައި ކަމަށާއި، މިފްކޯއަށް އެވޯޑްކުރާ ހިސާބުން އައިސް ޕްލާންޓްގެ މަސައްކަތް ފަށާނެކަމަށެވެ.
އައިސް ޕްލާންޓުގެ އިތުރުން، ފުނަދޫ ކައިރީގައި ވަދު ކަނދުފައްޗެއް ހަރުކުރުމުގެ މަސައްކަތްވެސް އަންނަ ހަފުތާގައި ފަށާނެކަމަށް މިނިސްޓަރު ވިދާޅުވިއެވެ. އަދި އެރަށުގައި މެރިކަލްޗަރ ކުރިއަރުވަން ދިރާސާ ކޮށް އެކަމަށް ފުރުސަތުތައް ފަހިކޮށްދެއްވާނެކަމަށްވެސް ވިދާޅުވި އެވެ.