މިއަދުވެސް ކަނޑުތައް ގަދަވާނެކަަމަށް ލަފާކުރެވޭކަމަށް މޫސުމާބެހޭ ގައުމީ އިދާރާއިން ބުނެފި އެވެ.
މެޓް އޮފީހުން މިއަދު ހެނދުނު ވަނީ މޫސުން ގޯސްވާނެކަމަށް ލަފާކޮށް، މެންދުރު 12:30 އާ ހަމަޔަށް ރާއްޖޭގެ ބޮޑު ސަރަހައްދަކަށްް ވައިޓް އެލާޓް ނެރެފައެވެ.
ވައިޓް އެލާޓް ނެރެފައިވަނީ، ހއ އަތޮޅުން ފެށިގެން ރ އަތޮޅަށް، އަދި ލ އަތޮޅުން ފެށިގެން އައްޑޫ ސިޓީއާ ހަމަޔަށެވެ. އެލާޓްގައި ނެރެފައިވާ ވަގުތުގައި، އެ އަތޮޅުތަކަށް ބޯކޮށް ވާރޭވެހި ގުގުރާނެކަމަށް ބުނެފައިވެއެވެ. އަދި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހި، ވިލާގައިޑުގައި ގަޑިއަކު 45 މޭލަށް ވައިގަދަވެ، ކަނޑުތައް ގަދަވާނެކަމަށް ލަފާކޮށްފައި ވެއެވެ.