ކޫއްޑޫ ފިޝަރީޒް ކޮމްޕްލެކްސް(ކޭއެފްސީ)އަށް އިތުރުކުރެވޭ ކޯލްޑް ސްޓޯރޭޖްގެ މަސައްކަތް މާދަމާ ބަޔަކާ ހަވާލުކުރާނެކަމަށް ފިޝަރީޒް މިނިސްޓަރު އަހްމަދު ޝިޔާމް ވިދާޅުވެއްޖެ އެވެ.
މިހާރު ރައީސް އޮފީހުގައި ކުރިޔަށްދާ ނޫސްވެރިންގެ ބައްދަލުވުމުގައި، ވާހަކަފުޅު ދައްކަވަމުން މިނިސްޓަރު ޝިޔާމް ވިދާޅުވީ، މިހާރު އެ ފެސިލިޓީގެ ކެޕޭސިޓީއަކީ 2،000 ޓަނުކަމަށާއި، އިތުރު ކުރެވޭ 4000 ޓަނުގެ ސްޓޯރޭޖާއެކު ކޭއެފްސީގެ ކެޕޭސިޓީ 6،000 ޓަނަށް އިތުރުވެގެންދާނެ ކަމަށެވެ. އަދި، މި މަސައްކަތް މާދަމާ ބަޔަކާ ހަވާލުކުރާނެކަމަށް ވިދާޅުވި އެވެ. އެހެންނަމަވެސް ހަވާލުކުރަނީ ކޮންބަޔަކާކަމެއް ހާމަނުކުރައްވަ އެވެ.
މިއީ، ސައުދީ ފަންޑް ފޯ ޑިވެލޮޕްމަންޓް ގެ އެހީގައި ޑިވެލޮޕްމަންޓް އޮފް ފިޝަރީޒް ސެކްޓަރ ޕްރޮޖެކްޓްގެ ދަށުންކުރިޔަށްގެންދާމަސައްކަތެކެވެ.