ރާއްޖޭގެ އެކި ހިސާބަށް މިއަދުވެސް ވިއްސާރަކުރާނެކަމަށް މޫސުމާ ބެހޭ އިދާރާއިން ބުނެފި އެވެ.
މެޓް އޮފީހުން ބުނީ، ބައެއް ރަށްތަކަށް ގުގުރުން އެކަށީގެންވާ ކަމަށާއި، އެކިހިސާބަށް ކެރީގެ އަސަރު ފޯރާނެކަމަށް ލަފާކުރެވޭކަމަށެވެ.
ވައިޖެހޭނެކަމަށް ލަފާކޮށްފައިވަނީ، ހުޅަނގުދެކުނާއި ހުޅަނގުން، މެދު ރާއްޖެތެރެއާއި އުތުރުގެ އަތޮޅުތަކަށް ގަޑިއަކު 13 މޭލާއި 23 މޭލާއި ދެމެދުގެ ބާރުމިނުގައި އަދި ދެކުނުގެ އަތޮޅުތަކަށް ގަޑިއަކު 8 މޭލާއި 18 މޭލާ ދެމެދުގެ ބާރުމިނުއެވެ. އަދި، ވިލާގަނޑުގައި ގަޑިއަކު ގާތްގަނޑަކަށް، 45 މޭލު ބާރުމިނަށް ވައިގަދަވުން އެކަށިގެންވާކަމަށް މެޓް އޮފީހުން ބުނެފައި ވެއެވެ.
މެޓުން މިއަދުވެސް ލަފާކޮށްފައިވަނީ ކަނޑުތައް ގަދަވާނެކަމަށެވެ. އެގޮތުން، ދެކުނުގެ ކަނޑުތައް އަދާައިގެ ވަރަަކަށްގަދަވެފައި، ރާޅުގެ އުސްމިން ހުންނާނީ 3-5 އުސްމިނުގައި ކަމަށް ލަފާކޮށްފައިވާއިރު، މެދު ރާއްޖެތެރެއާ އުތުރުގެ ކަނޑުތައް ގަދަވެފައި، 4-7 ދެމެދުގެ އުސްމިނުގައި ރާޅުނަގާނެކަމަށް ލަފާކޮށްފައި ވެއެވެ.