ކ.ދިއްފުށީ ބަނދަރު ބަލަހައްޓައިދޭނެ ފަރާތެއް ހޯދުމުގެ މަސައްކަތް އެރަށު ކައުންސިލުން ފަށައިފި އެވެ.
ބަނދަރު ބަލަހައްޓައިދޭނެ ފަރާތެއް ހޯދުމަށް ކައުންސިލުން ކުރަމުންދާ މަސައްކަތުގެ ދަށުން އިއްޔެ ވަނީ، އެ މަސައްކަތް ބީލަން އުސޫލުން ކޮށްދޭނެ ފަރާތެއް ހޯދުމަށް އިއުލާނުކޮށްފަ އެވެ.
މިކަމަށް ޝަރުތުހަމަވާ ހުރިހާ ފަރާތްތަކަށް ބީލަން ހުށަހެޅުމުގެ ފުރުސަތު ހުޅުވާލާފައިވާއިރު، ބީލަމުގައި ބައިވެރިވުމަށް ރަޖިސްޓްރީ ކުރުން ކުރިޔަށްދާނީ 06 އޮކްޓޫބަރު 2024 އިން 14 އޮކްޓުބަރު 2024 އަށް، ބަންދުނޫން ކޮންމެ ދުވަހަކު 9:30 ން 13:00 އާއި ދެމެދު ބީލަމަށް ރަޖިސްޓްރީ ކުރާ ފޯމުންކަމަށް ކައުންސިލުން ބުނެފައި ވެއެވެ.
ކައުންސިލުން ބުނީ، ރަޖިސްޓްރީ ކުރެވޭނީ ބީލަމަށް ރަޖިސްޓްރީ ކުރާ ފޯމު ކައުންސިލް އިދާރާއަށް ހުށަހަޅައިގެން ނުވަތަ މެއިލްކޮށްގެންކަމަށެވެ. އަދި، މެއިލްކުރާނަމަ މެއިލް ލިބުނުތޯ ރަޖިސްޓްރީ ކުރި ފަރާތުން ޔަޤީންކުރަންވާނެކަމަށްވެސް ކައުންސިލުން ބުނެފައި ވެއެވެ. ރަޖިސްޓްރީ ފޯމް ސަރުކާރުގެ ގެޒެޓް،ކައުންސިލް އިދާރާ،އެ އިދާރާގެ ވައިބާ ކޮމިއުނިޓީ ގްރޫޕް އަދި ފޭސްބުކް ޕޭޖުން ލިބޭނެއެވެ.
ބީލަން ހުށަހެޅުމާއި، ބީލަން ހުޅުވުން އޮންނާނީ 16 އޮކްޓޫބަރު 2024 ވާ ބުދަ ދުވަހުގެ 10:30 ގައި ކައުންސިލް އިދާރާގެ މީޓިންގ ހޯލްގައެވެ.