ސަރުކާރުގެ މަސް ކުންފުނި، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ(މިފްކޯ) ގެ ސީއީއޯއަކު ނެތި ހިންގާތާ ހަތަރު މަސްވެއްޖެ އެވެ.
މިފްކޯގެ ސީއީއޯގެ މަގާމުގައި ހުންނެވި އަހްމަދު ސަމާހު ރަޝީދު އެ މަގާމުންނާއި ކުންފުނީގެ ބޯޑު ޑިރެކްޓަރު ކަމުން ވަކިކޮށްފައިވަނީ، މިއަހަރުގެ މެއި މަހުގެ 21 ވަނަ ދުވަހު އެވެ. މިފްކޯ މިހާރު ވަގުތީ ގޮތުން ހިންގަމުން އަންނަކީ، އެ ކުންފުނީގެ ޗީފް ފައިނޭންޝިއަލް އޮފިސަރުގެ މަގާމުގައި ހުންނެވި އިލްޔާސް ހަނީފެވެ.
މި ސަރުކާރުގެ މިހާރުގެ ވިސްނުން ހުރީ ދުނިޔޭގެ ފެންވަރުގެ ސީއީއޯއަކު ގެނެސް މިފްކޯ ހިންގަން ހަވާލުކުރުމަށެވެ. އެހެންނަމަވެސް މިހާތަނަށް އާއިރު ސީއީއޯއަކު އައްޔަން ކޮށްފައެއް ނުވެއެވެ.
ޕްރައިވެޓައިޒޭޝަން އެންޑް ކޯޕޮރޮޓައިޒޭޝަން ބޯޑް(ޕީސީބީ) އިން ބޭރުގެ ސީއީއޯއެއް ހޯދަން 26 ޖޫން 20204 ގައި ކުރި އިއުލާނު ޖުލައި 16ވަނަ ދުވަހު ބާތިލުކުރީ ޝަރުތު ހަމަވާ ކެންޑިޑޭޓަކު ކުރިމަތިލާފައި ނުވާތީ ކަމަށްބުނެއެވެ. އެފަހުން އަދި އެކަމަށް އިއުލާނުވެސްކޮށްފައެއް ނުވެއެވެ.
ސީއޯއަކު އައްޔަން ނުކުރެވިގެން އުޅެނީ ކީއްވެ ކަމެއް ސަރުކާރުންވެސް، ޕީސީބީއިން ވެސް ހާމަކޮށްފަ އެއް ނުވެއެވެ.