ހުޅުމާލޭ ޝެޑުން ތެޔޮވިއްކުން ހުއްޓާލާފައިވަނީ، ބައުޒަރު އޯވާ ހީޓް ވެގެންކަމަށް ސްޓޭޓް ޓްރޭޑިންގ އޯގަނައިޒޭޝަން(އެސްޓީއޯ) އިން ބުނެފި އެވެ.
ޑީސަލް ނުލިބިގެން ގިނަ މަސް އޮޑިތަކެއް މިހާރު ތިބީ މަހަށް ނުފުރި ހުޅުމާލޭގައި ފަޅުގައި ބަނަދަރުކޮށްފަ އެވެ. މީގެތެރޭގައި މާލޭގެ އޮޑި ފަހަރުތަކުގެ އިތުރުން ރާއްޖޭގެ އެކި ހިސާބުތަކުން އެންސިސް އަށް މަސް ކިރުމަށާއި، މި ސަރަހައްދަށް މަސް ވިއްކަން އައި އޮޑިފަހަރު ހިމެނެއެވެ.
މިއަދު އޮޑިފަހަރަށް ޑީސެލް ނުލިބޭ މަައްސަލައިގައި، އެސްޓީއޯއަށް ގުޅާލުމުން ވިދާޅުވީ، އެފްއެސްއެމްގެ ތެޔޮ ބައުޒަރު އޯވަރހީޓް ވުމުގެ ސަބަބުން ތެޔޮ ވިއްކުން ހުއްޓުަމަކަށް އައީ ކަމަށެވެ. އަދި ކުރިޔަށް އޮތް ބައިގަޑިއިރުގެ ތެރޭގައި ދިމާވެގެން އުޅޭ މައްސަލަ ހައްލުވެ، އޮޑިފަހަރަށް ޑީސަލް ވިއްކަން ފަށާނެކަމަށް އެސްޓީއޯއިން ބުންޏެވެ.