ށ. ފޭދޫ ބަނދަރު ސަރަހައްދުގައި މަސްކަނޑާ އަށްޓެއް ހަދާދޭނެ ފަރާތެއް ހޯދުމަށް އިއުލާނުކޮށް ބީލަމުގައި ރަޖިސްޓްރީ ކުރުމުގެ ފުރުސަތު ހުޅުވާލައިފި އެވެ.
މިލަދުންމަޑުލު އުތުރުބުރީ ފޭދޫ ކައުންސިލްގެ އިދާރާއިން މިކަމަށް އިއުލާނުކޮށް ސަރުކާރުގެ ގެޒެޓުގައި ޝާއިއުކޮށްފައިވާ ލިއުމެއްގައި ވަނީ، އަށި ހެދުމަށް ބީލަން ހުށަހެޅުމުގެ ދަޢުވަތު މިކަމަށް ޝަރުތު ހަމަވާ ރާއްޖޭގެ އެންމެހާ ފަރާތްތަކަށް ހުޅުވާލާކަމަށެވެ.
ބީލަމަށް ހުށަހެޅޭނީ ދިވެހިރާއްޖޭގެ ވިޔަފާރި ރަޖިސްޓްރީ ކުރުމުގެ ޤާނޫނުގެ ދަށުން ރަޖިސްޓްރީވެފައިވާ ކުންފުނިތަކާއި، އަމިއްލަ ފަރުދުންގެ ވިޔަފާރި ރަޖިސްޓްރީކުރުމުގެ ޤާނޫނު ގެ ދަށުން ރަޖިސްޓްރީވެފައިވާ ފަރާތްތަކާއި، ޖަމްޢިއްޔާތަކާއިބެހޭ ޤާނޫނުގެ ދަށުން ރަޖިސްޓްރީ ކުރެވިފައިވާ ޖަމާޢަތްތަކަށެވެ.
މި ބީލަމުގައި ބައިވެރިވާން ބޭނުންވާ ފަރާތްތަކުން ބީލަމުގައި ރަޖިސްޓްރީވާ ފޯމު މިމަހުގެ 27 ވަނަދުވަހުގެ 14:00 ގެ ކުރިން ކައުންސިލް އިދާރާއަށް ހުށަހެޅުމަށް ކައުންސިލުން ވަނީ އެދިފަ އެވެ. ފޯމު info@feydhoo.gov.mv އަށް މެއިލްކޮށްގެން ރަޖިސްޓްރީ ކުރެވޭނެ އިންތިޒާމު ވަނީ ހަމަޖައްސާފަ އެވެ.
ބީލަން ބަލައިގަތުމާއި، ބީލަން ހުޅުވާނީ މާޗު މަހުގެ 04 ވަނަ ދުވަހުގެ 11:00 ގައި ކައުންސިލް އިދާރާގެ މީޓިންގްރޫމުގަ އެވެ.
ބީލަންތައް ހުންނަންވާނީ ސިޓީއުރައިގައި ބަންދުކުރެވިފައި ކަމަށާއި، ސިޓީއުރައިގެ ބޭރުގައި ހުށަހަޅާ ފަރާތުގެ ނަމާއި، އިޢުލާން ނަމްބަރާއި، ކޮންކަމަކަށް ހުށަހެޅޭ އަންދާސީ ހިސާބެއްކަން ލިޔެވިފައި އޮންނަންޖެހެއެވެ.
ބީލަން ހުށަހަޅާ ދުވަހަކީ ސަރުކާރު ބަންދު ދުވަހެއްގެ ގޮތުގައި ކަނޑައަޅައިފިނަމަ ދެން ބީލަންތައް ބަލައިގަންނާނީ ޖެހިގެން އަންނަ ރަސްމީ ދުވަހުގެ 13:00ގައި ކަމަށް ކައުންސިލުން ބުނެފައި ވެއެވެ.