back to top
29 C
Malé
- އިސްތިހާރު -spot_imgspot_img

މަގްބޫލް ލިޔުންތައް

މަޑުއްވަރީ އައިސްޕްލާންޓް މިފްކޯގެ ދަށަށް ގެނެސްފި

ރ. މަޑުއްވަރީގައި، އެރަށު ކައުންސިލުން ހިންގަމުން އަންނަ އައިސްޕްލާންޓް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ދަށަށް ގެނެސްފި އެވެ.

ދެންމެ ކައުންސިލް އިދާރާގައި ބޭއްވި ބައްދަލުވުމެއްގައި، މިފްކޯގެ ފަރާތުން ވަނީ އައިސްޕްލާންޓާއި ހަވާލުވި ކަމުގެ އެއްބަސްވުމުގައި ސޮއި ކޮށްފަ އެވެ. މިފްކޯގެ ފަރާތުން އެއްބަސްވުމުގައި ސޮއިކުރެއްވީ، އެކުންފުނީގެ ޗީފް ފައިނޭންޝިއަލް އޮފިސަރު، އިލްޔާސް ހަނީފް އެވެ. ކައުންސިލްގެ ފަރާތުން އެއްބަސްވުމުގައި ސޮއިކުރެއްވީ ކައުންސިލްގެ ރައީސް މުހައްމަދު ސޯދިގް(ޗޯޓް) އެވެ.

މަސްވެރިންނަށް ފަސޭހަގޮތެއްގައި އައިސް ލިބޭނެ އިންތިޒާމު ހަމަޖެއްސުމަށް ސަރުކާރުން މަސައްކަތްކުރަމުން އަންނަ އިރު، މަޑުއްވަރީ އައިސް ޕްލާންޓް މިފްކޯއިން ހިންގާގޮތަށް ނިންމާފައިވަނީ މަސްވެރިންގެ އެކަމަށް އެދިގެންނެވެ. ކައުންސިލުން، އައިސްޕްލާންޓް މިފްކޯއަށް ދޫކޮށްލީ ތެލުގެ އަގު އިންތިހާއަށް ބޮޑުވެ އޮޕަރޭޝަން ހިންގަން ދަތިވުމުގެ ސަބަބުންނެވެ. އެތަން މިފްކޯއަށް ހަވާލުކުރީ ބިމުގެ ކުލި ދައްކާގޮތަށެވެ.

މަޑުއްވަރީ އައިސް ޕްލާންޓް/ ފޮޓޯ:މަޑުއްވަރީ މަސްވެރިން

މަޑުއްވަރީ އައިސްޕްލާންްޓަކީ، 25 ޓަނުގެ އައިސް އުފައްދާ 50 ޓަނުގެ އައިސް ރައްކާކުރެވޭ އައިސްޕްލާންޓެކެވެ. އެތަން ހުޅުވީ 2021 ވަނަ އަހަރުގެ މަސްވެރިންގެ ދުވަސްކަމަށްވާ ޑިސެންބަރުމަހުގެ 10 ވަނަ ދުވަހުއެވެ. މަޑުއްވަރީ އައިސްޕްލާންޓް އޮޕަރޭޓްކޮށް، ބަލަހައްޓައި، އައިސްޕްލާންޓުން ހޯދަންޖެހޭ ނަފާއެއް ހޯދުމުގެ ހުރިހައި ފުރުސަތެއް އޭރުގެ ސަރުކާރުން ދޫކޮށްލީ މަޑުއްވަރީ ކައުންސިލަށެވެ. އަދި، އެއީ ކައުންސިލްގެ ތަނެކެވެ.

މަޑުއްވަރީގެ އިތުރުން ރ އަތޮޅު އަލިފުށްޓާއި ދުވާފަރުގައިވެސް އައިސްޕްލާންޓް ހުރެއެވެ.

މިލިޔުމާއި ގުޅޭ