އުރީދޫ މަސްރޭހުގެ ނައިފަރުގެ އެޑިޝަން، ހުސްބުޅި ޓީމުން ބޮޑު ތަފާތަކުން ކާމިޔާބުކޮށްފި އެވެ.
އިއްޔެ ބޭއްވި މި މަސްރޭހުގައި ޖުމްލަ 18 ޓީމެއް ވާދަކޮށްފައިވާއިރު، ރޭސްގެ ޗެމްޕިއަންކަން ހޯދީ، 921.4 ޕޮއިންޓް ހޯދައިގެން ހުސްބުޅި ޓީމެވެ. 698.45 ޕޮއިންޓާއިއެކު ޗިލް ބްރޯޒް ދެވަނަ ހޯދިއިރު، ތިންވަނަޔަށް ދިޔައީ، ކޮރަކަލި ޓީމެވެ. އެޓީމަށް ލިބުނީ 438.3 އެވެ.
ވަރަށް ވާދަވެރިކޮށް ކުރިޔަށް ދިޔަ މިރޭހުގައި އެންމެ ބަރުމަސް ބޭނީ، ޓީމް އަލިފަސްގެ މުހައްމަދު ނަޝީދެވެ. އެއީ،9.4 ކިލޯ ބަރުދަނުގެ މުޑަ ހަންޖެކެވެ.
އެހެންވަނަތަކަށް ބަލާއިރު، 24 މަސް ބާނައިގެން އެންމެ މޮޅު ކެޔޮޅުކަން ޗިލް ބްރޯޒް ޓީމްގެ އަލީ އަބްދުﷲ ކާމިޔާބުކޮށްފައިވާއިރު، 15 މަސް ބާނައިގެން އެންމެ މޮޅު އަންހެން ކެޔޮޅުގެ މަގާމް ހޯދީ ކޮރަކަލި ޓީމްގެ ޖަވާދާ އަހްމަދެވެ.
އުރީދޫ މަސްރޭހުގައި އެކި ވަނަވަނަ ހާސިލު ކުރި ޓީމްތަކަށާއި، ވަކި ވަކި މަގާމުތައް ހާސިލު ކުރި ކެޔޮޅުންނަށް ޖުމްލަ 126،000 ރުފިޔާގެ ފައިސާގެ އިނާމު ދީފައި ވެއެވެ.
އިނާމުތަކުގެ ތަފްސީލު:
އުރީދޫ މޯލްޑިވްސްއިން ކޮންމެ އަހަރަކު ބާއްވަމުން އަންނަ މަސްވެރިކަމުގެ މުބާރާތް ކަމަށްވާ އުރީދޫ މަސްރޭސް މިއަހަރު ބާއްވާފައިވަނީ، އެކުންފުނީގެ 19 ވަނަ އަހަރީ ދުވަސް ފާހަގަކުރުމުގެ ގޮތުންނެވެ. މިއަހަރު މަސްރޭސް ވަނީ އިތުރަށް ކުލަގަދަ ކޮށް ނައިފަރުގެ އިތުރުން ކ. ހިންމަފުށްޓާއި ތިނަދޫ ސިޓީގައިވެސް ބާއްވާފައި އެވެ.
އުރީދޫ މަސްރޭހަކީ ވަރަށް ބޮޑު ތަރުހީބެއް ލިބޭ، އަދި ސްޕޯޓްސް ފިޝިންގް ނުވަތަ ފަރުމަސްވެރިންގެ މެދުގައި ވަރަށް މަގްބޫލު ރޭހެކެވެ.