އުތުރާއި މެދުރާއްޖެ ތެރޭގެ އަތޮޅުތަކަށް މޫސުމާ ބެހޭ ގައުމީ އިދާރާއިން ހުދު ސަމާލު ނެރެފި އެވެ.
ހއ އަތޮޅުން ފެށިގެން ލ އަތޮޅާ ހަމަޔަށް މެޓް އޮފީހުން މޫސުމީ ހުދު ސަމާލު ނެރެފައިވަނީ މެންދަމު 00:30 އިން ފެށިގެން ހެނދުނު 06:30 އާ ހަމަޔަށެވެ. މެޓް އޮފީހުން ބުނީ ސަމާލު ނެރެފައިވާ ވަގުތުތަކުގައި އެއަތޮޅުތަކަށް ބޯކޮށް ވާރޭވެހި، ގުުގުރާނެކަމަށް ލަފާކުރެވޭކަމަށެވެ.
މާދަމާ ހެނދުނު 10:00 ޖެހުމާ ހަމަޔަށް މޫސުން ލަފާކޮށް މޫސުމާބެހޭ ގައުމީ އިދާރާއިން ބުނެފައިވަނީ އެކިހިސާބަށް ގުގުރާ، ވިއްސާރަ ކުރާނެކަމަށް ލަފާކުރެވޭކަމަށާއި، މިރޭ ބައެއް ރަށްތަކަށް ބޯކޮށް ވާރޭވެހުން އެކަށީގެންވާކަމަށެވެ.
ވައިޖެހޭނެކަމަށް ލަފާ ކޮށްފައިވަނީ، ހުޅަނގުދެކުނާއި ހުޅަނގުން ގަޑިއަކު 05 މޭލާއި 15 މޭލާ ދެމެގައެވެ. އަދި، ވިލާގަނޑުގައި ގަޑިއަކު ގާތްގަޑަކަށް 30 މޭލަށް ވައިގަދަވާނެކަމަށްވެސް ލަފާކޮށްފައި ވެއެވެ.
ކަނޑުތައް އާދައިގެވަރަކަށް މަޑުވެފައި، ވިލާގަނޑުގައި އާދައިގެ ވަރަކަށް ގަދަވާނެ ކަމަށް ލަފާކޮށްފައިވާއިރު، ރާޅު ނަގާނެކަމަށް ލަފާކޮށްފައިވަނީ 2-5 ފޫޓު އުސްމިނުގަ އެވެ.