ކަންނެލި މަސްވެރިންގެ ކަންބޮޑުވުންތަކަށް ހައްލު ގެންނަން މަސައްކަތް ކުރައްވާނެ ކަމުގެ ޔަގީންކަން ރައީސުލްޖުމްހޫރިއްޔާ ޑރ. މުހަައްމަދު މުއިއްޒު ދެއްވާފައިވާކަމަށް ބޮޑުކަންނެލި މަސްވެރިންގެ ޔޫނިއަން(ބީކޭއެމްޔޫ) އިން ބުނެފި އެވެ.
މިއަދު ރައީސުލްޖުމްހޫރިއްޔާގެ އޮފީހުގައި، ރައީސް ބީކޭއެމްޔޫއާ އެކު މިއަދު ބޭއްވެވި ބައްދަލުވުމާ ގުޅޭގޮތުން އެ ޔޫނިއަންއިން ބުނެފައިވަނީ، އެބައްދަލުވުމުގައި ބައިވެރިވީ އެ ޔޫނިއަންގެ ހިންގާ ކޮމިޓީގެ ބޭފުޅުން ކަމަށެވެ. އަދި، އެ ބައްދަލުވުމުގައި، ޖުމްލަކޮށް ކަންނެލި މަސްވެރިންގެ ހުރިހާ ކަންބޮޑުވުމެއް ރައީސް އާއި ހިއްސާ ކުރެވުނުކަމަށެވެ.
ބީކޭއެމްޔޫއިން ބުނެފައިވަނީ، އެ ބޭފުޅުންގެ އަޑު އައްސަވައި، ކަންނެލި މަސްވެރިންގެ ކަންބޮޑުވުންތަކަށް ހައްލު ގެންނަން މަސައްކަތް ކުރައްވާނެ ކަމުގެ ޔަގީންކަން ރައީސް ދެއްވި ކަމަށެވެ.
މި ބައްދަލުވުމުގައި، ބީކޭއެމްޔޫގެ ޑިމާންޑަށް ލޭނު އެޅުން ހުއްޓާލަން ރައީސް ނިންމަވާފައިވާތީ، އެޔޫނިއަންގެ ފަރާތުން ރައީސްއަށް މަރުހަބާ ދަންނަވާފައި ވެއެވެ.