އުތުރާއި މެދު ރާއްޖެތެރޭގެ ބައެއް އަތޮޅުތަކަށް މޫސުމާބެހޭ ގައުމީ އިދާރާއިން ހުދު ސަމާލު ނެރެފި އެވެ.
މެޓް އޮފީހުން ދެންމެ ހުދު ސަމާލު ނެރުނީ ބ އަތޮޅުން ފެށިގެން މ އަތޮޅާ ހަމަޔަށެވެ. މެންދުރުފަހު 01:00 އިން ހަވީރު 06:00 ޖެހުމާ ހަމަޔަށް ހުދު ސަމާލު ނެރެފައިވަނީ، އެ އަތޮޅުތަކަށް ބޯކޮށް ވާރޭވެހުމާއެކު ގުގުރާނެކަމަށް ލަފާކޮށްނެވެ.
މެޓް އޮފީހުން ބުނީ، ރާއްޖޭގެ އެކި ހިސާބަށް މިއަދު ގުގުރުމާއެކު ވިއްސާރަ ކުރާނެކަމަށާއި، ދެކުނާއި ހުޅަނގުދެކުނުން ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެކަމަށެވެ. އަދި، ވިލާގަނޑުގައި ގަޑިއަކު ގާތްގަޑަކަށް 30 މޭލަށް ވައިގަދަވާނެކަމަށްވެސް ލަފާކޮށްފައި ވެއެވެ.
މީގެއިތުރުން، ކަނޑުތައް އާދައިގެވަރަކަށް މަޑުވާނެކަމަށާއި، ވިލާގަނޑުގައި އާދައިގެވަރަކަށް ގަދަވާނެކަމަށް ބުނެފައި ވެއެވެ. ރާޅު ނަގާނެކަމަށް ލަފާކޮަށްފައިވަނީ 2-5 ފޫޓު އުސްމިނުގަ އެވެ.
މޫސުން ގޯސްވުމުގެ ސަބަބުން ރޭ ފަތިހު ހއ އިން ބ އަތޮޅާ ހަމަޔަށްވެސް ހުދު ސަމާލު ނެރުނެވެ. އޭރު ސަމާލު ނެރުނީ އެސަރަހައްދަށް ގުގުރުމާއެކު ބޯކޮށް ވާރޭވެހި، 35 މޭލަށް ވައި ގަދަވާނެކަމަށް ލަފާކޮށްނެވެ.