މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ(މިފްކޯ) އަށް މަސްވިއްކާ އޮޑިފަހަރަށް މިއަދު ކްރެޑިޓަށް އައިސް ދޫކުރަން ފަށައިފި އެވެ.
މިފްކޯއިން ބުނީ، މިއަދުން ފެށިގެން ”މިފްކޯއަށް މަސްވިއްކާ“ އޮޑިފަހަރަށް 10 ޓަނާ ހަމައަށް ކްރެޑިޓަށް އައިސް ދޫކުރާނެކަމަށެވެ. އެގޮތުން، މިފްކޯއަށް މަސްކިރާ ކޮންމެ އޮޑިއަކަށްވެސް އެކި ފަހަރު މަތިން 10 ޓަނާ ހަމައަށް ކްރެޑިޓަށް އައިސް ނޭގޭނެކަމަށް މިފްކޯއިން ބުންޏެވެ.
ކްރެޑިޓަށް މަސްވެރިން ނަގާ އައިހަށް ލާރި ކަނޑަނީ އޮޑިން މިފްކޯއަށް ވިއްކާ މަހުގެ ބިލުންނެވެ. އެހެންކަމުން ބިލު ހަދާނީ، ކްރެޑިޓަށް އައިސް ގަތް ފައިސާ ބިލުން އުނިކުރުމަށްފަހުގައި ކަމަށް މިފްކޯއިން ބުނެފައި ވެއެވެ.
މިފްކޯއިން އޮޑިފަހަރަށް ކްރެޑިޓަށް އައިސް ދޫކުރަނީ، މަސްވެރިން މަހަށް ފުރަން ހިތްވަރު ދިނުމުގެ ގޮތުންކަމަށް ބުނެއެވެ.