މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ(މިފްކޯ) އިން ހިންގަމުން އައި ކަނޑުއޮތްގިރި ފެސިލިޓީ މޯލްޑިވްސް ނެޝަނަލް ޑިފެންސް ފޯސް(އެމްއެންޑީއެފް) އާ ހަވާލުކޮށްފި އެވެ.
ފިޝަރީޒް މިނިސްޓްރީން އިންތިޒާމުކޮށްގެން މިއަދު ދިވެހިރާއްޖޭގެ އަޑުގެ ސެނެކޯ މާލަމުގައި ބޭއްވި ޕްރެސް ކޮންފަރެންސްގައި ފިޝަރީޒް މިނިސްޓަރު ވިދާޅުވީ، އެރަށަކީ،ކަންނެލި މަސްވެރިކަމަށް ޚާއްސަ ކުރެވިގެން އަދި އެތަނުގެ ޑެވެލޮޕްމެންޓްގެ މަސައްކަތަކެއް ކުރިޔަށްދިޔަ އަދި ކަންނެލި މަސްވެރިކަމަށް އޮތް ގޮންޖެހުންތަކަށް ހައްލެއް ހޯދައި ދިނުމަށްއޮތް ރަށެއެއް ކަމަށެވެ. އެހެންނަމަވެސް، އޯގަސްޓް މަހުގެ 4 ވަނަ ދުވަހު ކަނޑުއޮށްގިރި އެމްއެންޑީއެފްގެ ބޭނުމަށް ދޫކޮށްފައިވާ ކަމަށް ވިދާޅުވިއެވެ.
”އެމްއެންޑީއެފަށް ކަނޑޫއޮށްގިރި ބަދަލުކުރެވިފައި މިވަނީ. އެނގިވަޑައިގަންނަވާނެ ކަންނެލި މަސްވެރިކަމުގައި ހުރި ގޮންޖެހުންތަކަށް ހައްލު ހޯދައިދިނުމަށްޓަކައި، މަސައްކަތްތަކެއް ކުރެވެމުންދަނީ، އެހެންނަމަވެސް ދިގު މުއްދަތަކަށް އެ މަސައްކަތްތައް ކުރެވުނުކަމުގައިވީނަމަވެސް، އެދެވޭ ހައްލެއް ކަނޑުއޮތްގިރިއަކަށް އަސްލު ހަގީގަތުގައި ނުލިބި އޮތް އޮތުން އަޅުގަނޑުމެންނަށް އިރާދަކުރެއްވިއްޔާ މި ނިމުމަކަށް މި ގެނެވެނީ. އެއީ ވަރަށް ބޮޑު ހޭދައެއް ކުރެވިއްޖެ. އެހެންނަމަވެސް މަސްވެރިންނަށް ނޫނޫ ކަންނެލި މަސްވެރިންނަށް ކަނޑު އޮށްގިރީގެ ފަޅަކީވެސް އެދެވޭ ހައްލެއް ލިބުނު ފަޅަކަށް ނުވި.“ މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ މި ބަދަލާ އެކީ އެޗްޑީސީ މެދުވެރިކޮށް، ހުޅުމާލޭ ބަނދަރުން ކަންނެލި މަސްވެރިންނަށް ކުރިމަތިވެފައިވާ މައްސަލަތައް ހައްލު ލިބޭނޭގޮތަށް ޖާގައެއް ހަމަޖެއްސުމުގެ މަޝްވަރާ ކުރަމުން އަންނަކަމަށެވެ.
”މިއީ ކަންނެލި މަސްވެރިކަން ކުރާ ފަރާތްތަތަކަށް ޚާއްސަކޮށް، ވަރަށް މުހިންމު ބަދަލެއްގެ ގޮތުގައި އަދި މަސްވެރިކަމުގެ ސިނާއަތަށް މިހާރ ހުރި ގޮންޖެހުންތަކުގެ ތެރޭގައި ކަންނެލި މަސްވެރިކަމަށްއޮތް ވަރަށް ބޮޑު ގޮންޖެހުމެއް އެއީ. ހަގީގަތުގައި ކަންނެލި މަސް ވެރިކަންކުރާ ފަރާތްތައް އިންވޯލްވްވެގެން ނޫނީ މީގެ ކުރިންވެސް ކަންނެލިކަމުގެ ކުދި ވިޔަފާރިވެރިން ކަންނެލި ޕެކްކޮށް އެކްސްޕޯޓްކުރާ ފަރާތްތަކަށް ރަނގަޅު މާއުލަކަށް މި މާހައުލު ޔަގީނުންވެސް ވެގެންދާނެ.“ މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ، ހުޅުމާލޭގައި ކަންނެލި މަސް ޕްރޮސެސް ކުރާ ފެސިލިޓީ ގާއިމުވެގެން ދިއުމުން، ކަންނެލި މަސްވެރިކަން ކުރާ ފަރާތްތަކުން ކުރަމުން އަންނަ ޚަރަދުތައްވެސް ކުޑަވެގެންދާނެކަމަށެވެ.