މަސްވެރި އުފެއްދުންތަކަށް މާކެޓް ކުރަން މި ސަރުކާރުން އުފެއްދި މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަންގެ ބޯޑަށް މެންބަރުން އައްޔަންކޮށްފިި އެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ކުރި މިއަދު އާންމުކުރި އިއުލާނުގައިވާ ގޮތުންނަމަ ބޯޑަށް އައްޔަންކޮށްފައިވަނީ، މޭނޭޖިންގ ޑިރެކްޓަރުންގެ އިތުރުން ހަތަރު މެންބަރުންނެވެ.
މެނޭޖިންގް ޑިރެކްޓަރަކަށް އައްޔަންކޮށްފައިވަނީީ، އަހްމަދު ޒަރީރެވެ. އިތުުރު މެންބަރުންނަކީ:
- މުންޝިދާ އިބްރާހިމް
- އަހުމަދު ޝިފާޒް
- އަހުމަދު ޔާމީން
- އާދަމް މަނިކު
މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަން އަކީ މަސްވެރި އުފެއްދުންތަކަށް މާކެޓް ކުރަން އުފައްދާފައިވާ، ދަރަންޏަށް ޒިންމާވާންޖެހޭ މިންވަރު ކަނޑައެޅިފައިވާ ސައްތައިން ސައްތަ ސަރުކާރު ހިއްސާވާ ކުންފުންޏެކެވެ.
މި ކުންފުނީގެ މައިގަނޑު ބޭނުމަކީ، ރާއްޖޭގެ ކަނޑުގެ ހުރިހާ ވަސީލަތްތަކެއް ހިމެނޭހެން އިޝްތިހާރުކޮށް، އޭގެ ވިޔަފާރިން ލިބޭ މަންފާ އިތުރު ކުރުމެވެ. އަދި، ރާއްޖޭގެ އުފެއްދުންތަކަށް ހާއްސަ ބްރޭންޑެއް ތައާރަފުކޮށް، އެ ތަކެތި ޕްރީމިއަމް ޕްރޮޑަކްޓެއްގެ ގޮތުގައި ގައުމީ އަދި ބައިނަލްއަގްވާމީ މާކެޓްތަކަށް ނެރުމުގެ މަސައްކަތް ކުރުމެވެ.
ރައީސް ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް މިކުންފުނި އުފެއްދެވީ، މިއަހަރުގެ ފެބްރުއަރީ މަހުގެ 4 ވަނަ ދުވަހު އެވެ.