ދިވެހިރާއްޖޭގައި ހުއިފިލަނޑާ މަސްވެރިކަމުގެ ވިޔަފާރީގައި ހަރަކާތްތެރިވާ ފަރާތްތަކާއެކު ބާއްދަލުވުމެއް ބާއްވަން ތައްޔާރުވަމުން އަންނަކަމަށް ފިޝަރީޒް މިނިސްޓްރީން ބުނެފި އެވެ.
މިކަމާގުޅޭގޮތުން އެ މިނިސްޓްރީން ބުނެފައިވަނީ ހުއިފިލަނޑާ މަސްވެރިކަމުގެ ވިޔަފާރީގައި ހަރަކާތްތެރިވާ ޕްރޮސެސަރުންނާއި، އެކްސްޕޯޓަރުންނާއެކު ބައްދަލުވުމެއް ބާއްވަން ނިންމައި، އެފަދަ ފަރާތްތަކަށް ބައްދަލުވުމުގައި ބައިވެރިވުމަށޤ ދައުވަތު އަރުވާ ކަމަށެވެ.
މި ބައްދަލުވުން ބާއްވަން ފިޝަރީޒް މިނިސްޓްރީން ނިންމާފައިވަނީ އަންނަ އާދީއްތަ ދުވަހު ހެނދުނު 09:00 އިން 10:00 އަށް ވެލާނާގޭ ދެވަނަ ފަންގިފިލާގަ އެވެ.
ބައްދަލުވުން ބާއްވަނީ ރާއްޖޭގައި ވިޔަފާރީގެ ބޭނުމަށް ނަގާ ދެ ބާވަތެއްގެ ހުއިފިލަނޑާ، ”ކޮންވެންޝަން އޮން އިންޓަނޭޝަނަލް ޓްރޭޑް އިން އެންޑޭންޖާޑް ސްޕީސީސް(ސައިޓީސް) ގެ ޖަދުވަލު-2 އަށް އިތުރުކުރެވިފައިވާތީ، އެކަމާ ގުޅޭގޮތުން ސަރުކާރުން ކުރަމުން އަންނަ މަސައްކަތްތަކުގެ ތަފުސީލު ހިއްސާކުރެއްވުމަށްކަމަށް ފިޝަރީޒް މިނިސްޓްރީން ބުނެފައި ވެއެވެ.
ބައްދަލުވުމުގައި ބައިވެރިވާން ބޭނުންވާ ފަރާތްތަކުން ރަޖިސްޓްރޭޝަން ފޯމް ފުރުމަށް މިނިސްޓްރީން ވަނީ އެދިފަ އެވެ. މި ލިންކުން https://shorturl.at/bqszZ ފޯމު ފުރާ ލެވޭނެއެވެ.