back to top
29 C
Malé
- އިސްތިހާރު -spot_imgspot_img

މަގްބޫލް ލިޔުންތައް

ދުނިޔޭގައި މުޅިން އަަލަށް ރެކޯޑް ކުރެވުނު ބުރެކި އާއިލާގެ އާ މަސް ފެނުނީ ރާއްޖެއިން!

ބުރެކި އާއިލާއަށް ނިސްބަތްވާ މުޅިން އާ ވައްތަރެއްގެ މަހެއް ދިވެހި ކަނޑުން ހޯދައިފި އެވެ.

މެރިން ޖާނަލް މޯލްޑިވްސްއިން ހާމަކޮށްފައިވާގޮތުގައި ދުނިޔޭގައި މުޅިން އަލަށް ރިކޯޑް ކުރެވުނު މި މަސް ހޯދިފައިވަނީ ބޭރުގެ ސައިންސްވެރިންނާއި، ރާއްޖޭގެ މެރިން ރިސާޗް ސެންޓަރުން ކުރިޔަށްގެންދިޔަ ކަނޑުފަޅުގެ ދިރާސާއެއްގެ ތެރެއިންކަމަށެވެ.

ދުނިޔެއިން އަލަށް ރެކޯޑުކުރެވުނު މި މަސް ދިވެހިރާއްޖެއިން ފެނިފައިވާއިރު، މިއީ ހަމަ އެކަނި ދިވެހި ރާއްޖެއިން ފެނިފައިވާ މަހެއްކަމަށާއި، މިމަހަށް ދެވުނު ދިވެހި ނަމަކީ ”ރަކި ބުރެކި“ ކަމަށް މެރިން ޖާނަލް މޯލްޑިވްސްއިން ބުނެފައި ވެއެވެ.

”މިއީ ޑައިވަރުން ފެންނަ އިރަށް ވަރަށް އަވަހަށް ފިލާ މަހެއްކަން ދިރާސާކުރި ފަރާތްތަކުން ހާމަކުރޭ. އެކަމު މި މަސް މިކަންް ކުރަނީ ރަކިކަމާއި ގުޅުވައިގެން ކަމަށް ބަލައި މިމަހަށް ”ރަކި ބުރަކި“ ކިޔުނު'“ މެރިން ޖާނަލް މޯލްޑިވްސް އިން ބުނެފައި ވެއެވެ.

”ރަކި ބުރެކި“ ފެނިފައިވަނީ، ކަނޑުގެ އަޑިން އަލި ފަނޑުވާ ހިސާބުންނެވެ. އެއީ، 100 މީޓަރާއި 125 މީޓަރާ ދެމެދުގެ ފުންމިނަކުންނެވެ. މި ފުން މިނަކީ ވަރަށް ތަފާތު ދިރުންތަކެއް އުޅޭ ހިސާބެއްކަން މިފަދަ ހޯދުންތަކުން ސާބިތުކޮށްދޭކަމަށް، މެރިން ޖާނަލް މޯލްޑިވްސްއިން ބުނެފައި ވެއެވެ.

ރަކި ބުރެކި ފެނުނު ކަނޑުފަޅުގެ ދިރާސާގެތެރެއިން ރާއްޖޭގެ ގިނަ ސަރަަހައްދުތަކުން ރަކި ބުރެކި ރިކޯޑް ކުރެވިފައި ވެއެވެ. އެއީ އަރިއަތޮޅު އުތުރުބުރިން ފެށިގެން ނިލަންދެ އަތޮޅު ދެކުނު ބުރީގެ ސަރަހައްދުތަކުގައި ހިމެނޭ ފަރުތަކުންކަމަށްވެސް މެރިން ޖާނަލް މޯލްޑިވްސްއިން ބުނެފައި ވެއެވެ.

ރަކި ބުރެކިއަކީ 2 ނުވަތަ 3 އިންޗިއަށް ބޮޑުވާކަމަށް ރިޕޯޓްކުރެވިފައި ވެއެވެ. ބުރެކީގެ ތަފާތު ވައްތަރުތަކެއް ރާއްޖެއިން ރިކޯޑްކުރެވިފައިވާއިރު، މިއީ ވަރަށް ކުލަ ރީތި މަސްތަކެކެވެ.

މިދިޔަ އަހަރުގެ ނޮވެންބަރު މަހު، އެމުގެ ގޮތުގައި ރާއްޖޭގައި އާންމުކޮށް ބޭނުންކޮށް އުޅޭ ނިލަމެހި އާއިލާގެ މުޅިން އާ ވައްތަރެއްގެ މަހެއް ސައިންސްވެރިން ރާއްޖޭގެ ކަނޑުން ހޯދިއެވެ. ޅ. އަތޮޅުން ހޯދި އެ މަހަށް ދިން ނަމަކީ ”އަބަދަށް ކްރޯމިސް“ އެވެ.

މިލިޔުމާއި ގުޅޭ