މޯލްޑިވްސް ކަސްޓަމްސް ސާވިސްގައި ”މެރިޓައިމް ސަވައިލެންސް އެންޑް ބޯޑާ ޕްރޮޓެކްޝަން“ ނަމުގައި ހާއްސަ ޔުނިޓެއް އުފައްދައިފި އެވެ.
މި ޔުނިޓް އިއްޔެ އުފައްދާފައިވަނީ ކަސްޓަމްސްގެ ޑައިރެކްޓްރޭޓް އޮފް އެންފޯސްމެންޓް އެންޑް ބޯޑާ ސެކިއުރިޓީގެ ދަށުންނެވެ.
ކަސްޓަމްސް އިން މިއަދު ބުނީ, މި ސެކްޝަނަކީ ރާއްޖޭގެ ކަނޑުގެ ޚާއްސަ އިގުތިސާދީ ސަރަހައްދުނ،ް ކަސްޓަމްސް ކޮންޓްރޯލް ކުރާ ސަރަހައްދުތައް ބެލެހެއްޓުމާއި، މަސްތުވާތަކެއްޗާއި ރާއްޖެއަށް އެތެރެކުރުން މަނާ ތަކެތި އެތެރެވުން ހުއްޓުވުމަށް ކަމާ ގުޅޭ ފަރާތްތަކާ ގުޅިގެން ކަނޑުގެ އޮޕަރޭޝަންތައް ކޯޑިނޭޓްކޮށްގެން ހިންގުމާއި، ކަސްޓަމްސްގެ ދަށުގައި ހުންނަ އުޅަނދު ފަހަރުތައް މޮނިޓަރކޮށް ބެލެހެއްޓުމުގެ ނިޒާމު ހަރުދަނާ ކުރުމަށް އުފެއްދި ސެކްޝަނެއް ކަމަށެވެ. އަދި، ރާއްޖޭގެ ކަނޑުގެ އިގުތިސާދީ ސަރަަހައްދުގައި ހިނގާ ގާނޫނާއި ޚިލާފް އަމަލުތައް ހުއްޓުވުމަށް އެ ސަރަހައްދު ހިމާޔަތްކޮށް ރައްކާތެރިކުރުމަށްޓަކައި ރާއްޖޭގެ ބޯޑަރު ބަލަހައްޓަމުންދާ ތަންފީޒީ އިދާރާތަކާއި ގުޅިގެން ސަވައިލެންސް މަސައްކަތްތައް ކުރުމެވެ.
މި ސެކްޝަންގެ ބޭނުމަށް މިހާތަނަށް ޖަޕާނު ސަރުކާރުގެ އެހީފައި 30 ފޫޓޫގެ ދެ ޕެޓްރޯލް ވެހިކަލް އަންނަމަހު ގެންނަން ނިންމާފައިވާކަމަށާޢި، އިތުރު 85 ފޫޓޫގެ ޕެޓްރޯލް ވެހިކަލެއް އަންނަ އަހަރު ތެރޭގައި ގެންނާނެ ކަމަށް ކަސްޓަމްސް އިން ބުނެފައިވެއެވެ. އަދި، މި ބޯޓުތައް އޮޕަރޭޓް ކުރާނީ ޖަޕާނުން ތަމްރީން ލިބިފައިވާ ކަސްޓަމްސްގެ މުވައްޒަފުންކަމަށްވެސް ކަސްޓަމްސް އިން ބުނެފައިވެއެވެ. ޖަޕާނުގެ އިތުރުން ޗައިނާއިންވެސް މި ސެކްޝަނަށް ބޭނުންވާ އުޅަނދުތައް ހޯދުމަށް ޗައިނާ އެމްބަސީއާއެކު ދަނީ މަޝްވަރާ ކުރަމުންނެވެ.
ކަސްޓަމްސްއިން ވަނީ މިސެކްޝަނުގައި ހަރަކާތްތެރިވާ އޮފިސަރުންގެ ރަސްމީ ޔުނިފޯމާއި، ޓިޝާޓް ކިޓ އަދި ޚާއްސަ ލޯގޯވެސް އާންމުކޮށްފަ އެވެ.