އއ ރަސްދޫ މަސްކަނޑާ އަށިގަނޑު މަރާާތުކޮށްދޭނެ ފަރާތެއް ހޯދުމުގެ މަސައްކަތް ފަށައިފި އެވެ.
މިކަމާއި ގުޅޭގޮތުން އެރަށު ކައުންސިލުން އާންމުކުރި ބަޔާނެއްގައި ބުނެފައިވަނީ، ކައުންސިލުންދޭ މަޢުލޫމާތާއި އެއްގޮތަށް އެ ރަށު ބަނދަރުގައި ހަދާފައިވާ މަސްކަނޑާ އަށިގަނޑު މަރާމާތުކޮށްދޭނެ ފަރާތެއް ހޯދަން ބޭނުންވާކަމަށެވެ.
ބީލަން އުސޫލުން މަސަކަތް ކުރިޔަށްގެންދަން ހަމަޖެހިފައިވާއިރު، މި މަސައްކަތް ކުރުމަށް ޝައުގުވެރިވާ ފަރާތްތަކުން މިއަދުން ފެށިގެން މިމަހުގެ ހަތާވީސް ވަނަ ދުވަހުގެ ނިޔަލަށް ބީލަމުގައި ބައިވެރިވެ، ރަޖިސްޓަރީ ވުުމުގެ ފުރުސަތު ވަނީ ހުޅުވާލާފަ އެވެ.
ކައުންސިލްގެ މެއިލް projects@rasdhoo.gov.mv އަށް ނުވަތަ ރަސްމީގަޑީގައި މި ކައުންސިލްގެ ނަންބަރު 6660714 ފޯނާ ގުޅައިގެން ނުވަތަ ރަސްމީގަޑީގައި ކައުންސިލަށް ޙާޒިރުވެ ބީލަމުގައި ނަންނޯޓްކުރެވޭނެ އިންތިޒާމު ވަނީ ހަމަޖައްސާފަ އެވެ. ބިޑް ރަޖިސްޓްރީވުމަށް ނަންނޯޓުނުކުރާ ފަރާތްތަކަށް ބިޑްހުށަނޭޅޭނެކަމަށް ކައުންސިލުން ބުނެފައި ވެއެވެ.
މި މަސައްކަތުގެ ޕްރީބިޑް މީޓިންގ މިމަހުގެ 21 ވަނަ ދުވަހުގެ 10:00 ގައި ބާއްވަން ހަމަޖައްސާފައިވާއިރު، ބިޑްބަލައިގަތުމާއި ބިޑްހުޅުވުން އޮންނާނީ މިމަހުގެ 28 ވަނަ ދުވަހުގެ 10:00 ގައި ކައުންސިލުގެ އިދާރާގައި ކަމަށް އިއުލާނުގައި ވެއެވެ.