back to top
31 C
Malé
- އިސްތިހާރު -spot_imgspot_img

މަގްބޫލް ލިޔުންތައް

އެނަމާ ބޯޓް ހާދިސާއަށް ވިހި އަހަރު

ގދ. ތިނަދޫ އެނަމާ ބޯޓު ބަންޑުން ޖަހާލި ހާދިސާއަކީ ދިވެހި ރާއްޖޭގައި ފަހުގެ ތާރީީޚެއްގައި ހިނގައިދިޔަ ކަނޑުމަތީގެ އެންމެ ހިތާމަވެރި ހާދިސާއެވެ.

މިކާރިސާ ހިނގާފައިވަނީ 17 މާރޗް 2004 ވީ ބުދަދުވަހުގެރޭ 8:30 ހާއިރުއެވެ. ގއ. ވިލިނގިލިން ފުރައިގެން ގދ. ތިނަދުއަށް 122 މީހުންނާއެކު ދަތުރު ކުރަމުންދަނިކޮށް އެނަމާ ބޯޓު ކުއްލިޔަކަށް ބަންޑުން ޖަހާލީ އެ ބޯޓާ 40 ފޫޓު ދުރުން ދަތުރު ކުރަމުންދިޔަ ‘އަރުތަ’ ނަމަކަށް ކިޔުނު ތިނަދޫ މަސްދޯންޏެއްގެ މޯހިރުން އުފެދުނު ރާޅެއްގައި ޖެހިގެންނެވެ. މި ހާދިސާ 24 މީހުން މަރުވެ 2 މީހަކު ގެއްލުނެވެ.

ނިޔާވި މީހުންގެ މައްޗަށް ޣައިބުގައި ކަށުނަމާދު ކުރީ 19 މާރޗް 2004 ވީ ހުކުރު ދުވަހު އެވެ. މި ނަމާދު ރާއްޖޭގެ ހުރިހާ ރަށެއްގައިވެސް ހުކުރު ނަމާދަށް ފަހު ކުރި އެވެ.

މިއަދަކީ މިހާދިސާއަށް ވިހި އަހަރު ފުރުނު ދުވަހެވެ.

ދުއާއަކީ، މި ހާދިސާގައި މި ދުނިޔެ ދޫކުރި މީހުންނަށް ސުވަރުގޭގެ ދާއިމީ ނިއުމަތް ލައްވައި، އެމީހުންގެ އާއިލާތަކަށް ކެތްތެރިކަން މިންވަރު ކޮށްދެއްވުމެވެ.

 

 

މިލިޔުމާއި ގުޅޭ