ތ. ބުރުނީގައި ވަދު ކަނދުފައްޗެއް އަޅައިފި އެވެ.
ފިޝަރީޒް މިނިސްޓްރީން ބުނިގޮތުގައި، އެ ވަދު ކަނދުފަތި އަޅާފައިވަނީ އިއްޔެގެ ވަގުތެއްގައި، އެރަށުގެ އުތުރުން 4.5 މޭލު ބޭރުގައެވެ.
ވަދު ކަނދުފަތި ނަންބަރަކީ، 01-K09V01 އެވެ.
ބުރުނީގައި އަލުން ވަދު ކަނދުފައްޗެއް އެޅީ މިދިޔަ އަހަރުގެ އެޕްރީލް މަހު އެޅި ވަދު ކަނދުފަތި ކަނޑައިގެން ދިއުމާއި ގުޅިގެންނެވެ. އޭރު ކަނދުފަތި އަޅާފައި އޮތީ އެރަށުގެ އިރު އުތުރުން 5.6 މޭލު ބޭރުގަ އެވެ.
ރަށްރަށުގެ ވަށައިގެން 3 މޭލާއި 6 މޭލާއި ދެމެދުގެ ދުރުމިނުގައި ޤާއިމުކުރާ ވަދު ކަނދުފައްޗަކީ ވަދު ނަނުގެ އަދި ސްޕޯޓް ފިޝިންގ މަސްވެރިކަމަށް ޚާއްސަ ކަނދުފަތިތަކެކެވެ. ވަދު ކަނދުފަތި، ފަރުމާކޮށްފައިވަނީ ދުރަށް ފެންނަހެން ބައްތިއަކާއި، ކަނދުފަތި އޮތް ތަން ފަސޭހައިން ދެނެގަނެވޭނެގޮތަށް ހުންނަ ރާޑަރު ރިފްލެކްޓަރަކާއި އެކުގައެވެ.