ހދ. މަކުނުދޫ އައިސް ޕްލާންޓާ ސަރުކާރުން ހަވާލުވެއްޖެ އެވެ.
ފިޝަރީޒް މިނިސްޓްރީން ބުނީ އައިސް ޕްލާންޓާ ސަރުކާރުން ހަވާލުވެ، މިހާރު އެ އޮޕަރޭޝަނަށް ގެނައުމުގެ މަސައްކަތް ފަށާފައިވާ ކަމަށެެވެ. އެހެންނަމަވެސް އެކަމުގެ ތަފުސީލެއް ނުދެއްވަ އެވެ.
މިއީ، އުތުރުގެ މަސްވެރިންނަށް ދިމާވެފައިވާ އައިސް ލިބުމުގެ ދަތިކަން ހައްލުކުރުމަށް ސަރުކާރުން ކުރަމުންދާ މަސައްކަތުގެ ތެރެއިން މިނިސްޓްރީން ފެށި ކަމެކެވެ.
ރައީސް ޔާމީނުގެ ރިޔާސީ ވައުދުތަކުގައި ހިމަނުއްވައިގެން، ސަރުކާރުން ހދ. މަކުނުދޫގައި އައިސް ޕްލާންޓް ގާއިމުކޮށް އޮޑިފަހަރުތަކަށް އައިސް ދޫކުރަން ފެށީ 2018 ވަނަ އަހަރުގެ ފެބްރުއަރީ މަހުގެ ތެރޭގައެވެ.
ފުޅާ ދާއިރާއެއްގައި މަސްވެރިކަން ކުރުމަކުންދާ މަކުނުދޫގައި އައިސް ޕްލާންޓް ގާއިމްކުރީ ސީ ޓްރެޒަރސް މޯލްޑިވްސް ނަމަކަށްކިޔާ ކުންފުންޏަކާއި ހަވާލުކޮށްގެންނެވެ. އޭރު، އައިސް ޕްލާންޓް ހިންގުމާއި ހަވާލުކޮށްފައިވަނީ ވެސް އެކުންފުންޏާއެވެ.