ކ. ތުލުސްދޫ ބަނދަރުގެ މަގަތު ފާލަން އަޅަން ބަޔަކާ ހަވާލުކޮށްފި އެވެ.
ތުލުސްދޫ ކައުންސިލުން ބުނީ، އެރަށު ބަނދަރުގައި ހެދުމަށް ހަމަޖެހިފައިވާ މަގަތު ފާލަމުގެ މަސައްކަތް ބަޔަކާ ހަވާލުކޮށްފައިވާކަމަށާއި، މިހާރު މަސައްކަތް ފެށުމަށް ތައްޔާރުވަމުން އަންނަކަމަށެވެ.
ތުލުސްދޫ ކައުންސިލުން މިހާރު ވަނީ، އެ މަސައްކަތް ފެށުމަށްޓަކައި ބަނދަރުގެ ބައެއް ސަރަހައްދުގައިވާ ލޯންޗުތައް ނަގަން އަންގާފަ އެވެ. އެގޮތުން، ބަނދަރުގައި ލޭންޑިންގކްރާފްޓުން މުދާ ބޭލުމަށް ޙާއްސަކޮށްފައިވާ ސަރަޙައްދުން ފެށިގެން އުތުރަށް، ބޭރުތޮއްޓާ ދެމެދަށްވާ ސަރަހައްދުގައި އަޅާފައިވާ ލޯންޗުތައް އަންނަ ބުރާސްފަތިދުވަހުގެ ކުރިން ނެގުމަށް ކައުންސިލުން ބަނީ އާންމުކޮށް އަންގައި އިއުލާނުކޮށްފަ އެވެ.
ތުލުސްދޫ ބަނދަރަކީ، އައިޑީބީ ލޯނު އެހީގެދަށުން ހަދަައި، 2018ވަނަ އަހަރު ރަސްމީކޮށް ހުޅުވައި ބޭނުންކުރަންފަށާފައިވާ ބަނދަރެކެވެ. އެއީ 800 ފޫޓް ދިގު 300 ފޫޓް ފުޅާ ބަނދަރެކެވެ.