back to top
29 C
Malé
- އިސްތިހާރު -spot_imgspot_img

މަގްބޫލް ލިޔުންތައް

ކޫއްޑޫއަށް މަސްކިރަން ބޭނުންވާ އޮޑިފަހަރަށް މިހާރު 5 ތަނަކުން ޓޯކެން ނެގޭނެ: މިފްކޯ

ކޫއްޑޫ ފިޝަރީޒް ކޮމްޕްލެކްސް(ކޭއެފްސީ) އަށް މަސް ކިރަން ބޭނުންވާ އޮޑިފަހަރަށް މިހާރު 5 ތަނަކުން ކިއު ނަންބަރު ނެގޭނެކަމަށް އެތަން އޮޕަރޭޓްކުރަމުން އަންނަ މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ(މިފްކޯ) އިން ބުނެފި އެވެ.

މިފްކޯއިން ބުނީ، މަސްވެރިކަން ވަރަށް ބޮޑަށް ރަނގަޅުވެފައިވާ މި ދަނޑުވަޅުގައި، ގިނަ އޮޑިފަހަރުތައް ކިއުގައި ޖެހިގެން މަސްކިރން ޖެހުމާއެކު، އޮޑިފަހަރަށް ފަސޭހައިން ކިއު ނަންބަރު ލިބޭނެ އިންތިޒާމު ހަމަޖެއްސުމުގެ ގޮތުން ގެމަނަފުށްޓާއި ފަރެސްމާތޮޑާ އައިސް ޕްލާންޓުން އިއްޔެ ކިއު ނަންބަރު ދޫކުރަން ފަށާފައިވާކަމަށެވެ.

އާދައިގެ މަތިން ކޫއްޑޫއަށް މަސް ކިރަން މީގެކުރިން ކިއު ނަންބަރު ދޫކުރަމުން ދިޔައީ ހަމަ އެކަނި ކޫއްޑުއިންނެވެ. އެެހެންނަމަވެސް، އިރުވައި މޫސުމަށް މަސްވެރިކަން ރަނގަޅުވުމާއި އަދި 48ގަޑީއިރުން ބަރާބަރަށް ފައިސާ ދޫކުރަންފެށުމާއެކު މަސްވެރިކަމަށް ނިކުންނަ އޮޑިފަހަރުތައް ގިނަވެ، މަސްކިރަން ކޫއްޑޫއަށް ކިއުގައިޖެހޭ އޮޑިފަހަރުތަކުގެ ކިއު ދިގުވުމާއިގުޅިގެން މިއަހަރުގެ ފެބްރުއަރީ މަހުގެ ކުރީކޮޅު ގދ. ގައްދޫ އަދި ގދ. ތިނަދޫ އައިސް ޕްލާންޓްތަކުން ވަނީ ކިއު ނަންބަރު ދޫކުރަންފަށާފަ އެވެ.

އިއްޔެ ގެމަަނަފުށްޓާއި ފަރެސްމާތޮޑާ އައިސް ޕްލާންޓުން ކިއުނަންބަރު ލިބޭނެ އިންތިޒާމު ހަމަޖެއްސުމާއެކު މިހާރު ކޫއްޑޫއަށް މަސްކިރާ ކިއުނަންބަރު ދޫކުރާ ސެންޓަރުތަކުގެ އަދަދުވަނީ 5އަށް އަރާފަ އެވެ.

މިލިޔުމާއި ގުޅޭ