back to top
28 C
Malé
- އިސްތިހާރު -spot_imgspot_img

މަގްބޫލް ލިޔުންތައް

ރޯދަމަސް ފެށުނީއްސުރެ ކަނޑު މަހުގެ އަގު އެއްވަރެއްގައި ހިފެހެއްޓިފަ

ރޯދަމަސް ފެށުނީއްސުރެ މާލޭ މަސް މާރުކޭޓުގައި ކަނޑު މަސް ވިއްކާ އަގުތައް ހުރީ އެއް ރޭޓެއްގައި ހިފެހެއްޓިފަ އެވެ.

ރޯދަ މަހުގެ ފުރަތަމަ ދުވަހު މާލޭ މަސް މާރުކޭޓުގައި ކަނޑުމަސް ވިއްކާ އަގުތައް ބަލާލިއިރު، ކަޅުބިލަ މަސް ކިލޯއެއް ވިއްކަންހުރީ 30-35ރުފިޔާގެ ރޭޓުންނެވެ. އަދި، ކަންނެލި މަސް ވިއްކަން ހުރީ ކިލޯއެއް 35-40 ރުފިޔާއާ ދެެމެދުގެ ރޭޓެއްގަ އެވެ. މަހުގެ އަގުތަކަށް ބަދަލު އައިތޯ މިއަދު ބަލާލިއިރު، އަގުތަކަށް އެއްވެސް ތަފާތެއް ނާދެެއެވެ. އަގުތައް ހުރީ އެއް ރޭޓެއްގައި ހިފަހައްޓާފަ އެވެ.

މާރުކޭޓުގައި މަސް ވިއްކާ ފަރާތްތަކުން ބުނީ، ރޯދައާއެކު ވިއްސާރަވި ނަމަވެސް، އަގާކުޅެން ނުޖެހޭވަރަށް އޮޑިފަހަރުން މަސް ސަޕްލައިކުރަމުން އަންނަކަމަށެވެ. އެހެންކަމުން މި ހަފުތާ އަދި ކުރިޔަށް އޮތް ހަފުތާގައި މަހުގެ އަގު ބޮޑުކުރަން ޖެހޭނެ ހާލަތަކަށް ނާންނާނެކަމަށް އެމީހުން ބުންޏެވެ. އަދި މާލެ އަތޮޅުން ގިނަ އޮޑި ފަހަރަށް މާރުކޭޓާވީ ފަޅިއަށް ގާތްކުރެވި، ސަޕްލައިކުރުމުގެ މަސައްކަތަށް އިތުރު ފަސޭހައެއް ލިބިއްޖެނަމަ މާރުކޭޓުގައި މަހުގެ އަގު ހެޔޮ ކުރެވިދާނެކަމަށް ބައެއް މީހުން ބުންޏެވެ.

”މިހާރު އޮޑި ފަހަރަށް ގާތް ކުރެވޭނެ ޖާގައެއް ނުލިބޭ. ވަރަށް ދުރުގައި އަޅައިގެން ގިނަ އޮޑި ފަހަރުން ޑިންގީތަކުގައި ވަރަށް ހާލުން މާރުކޭޓާ ހަމަޔަށް މަސް މިގެންނަން ޖެހެނީ. އެނޫނީ ޓައްޕަށް އަޅައިގެން. ބަނދަރުން ޖާގަ ލިބޭނަމަ މަހުގެ އަގު ދަށްކޮށްލެވޭނެ. ވިއްސާރައަސް މަސް އެބަބާނާވިއްޔާ. މަސްވެރިކަންވެސް ރަނގަޅު. ބައެއް ފަހަރު ގާތް ނުކުރެވުނީމަ ދޯނިތައް ނައްޓާލަނީ ހުޅުމާލެކޮޅަށް. އެންސިސްއަށް މަސްކޮޅު ވިއްކާލަނީ. އަހަރުމެންނަށް އެ މަސްކޮޅު ލިބޭގޮތް ވާނަމަ އަގާކުޅެވިދާނެ.“ މަސް ވިއްކާ މީހަކު ބުންޏެވެ.


އެހެން މަސްމަހާ ޚިލާފަށް ރޯދަމަހު އާންމުން މާރުކޭޓަށް ގޮސް ތާޒާމަސް ގަނެއެވެ. މާރުކޭޓުގައި މަސް ތިޔާގިވެފައި އަގުހެޔޮވުމުން މިއީ ގިނަ ބަޔަކު މާރުކޭޓަށް މަސް ގަންނަން ދާން ހިތްވަރު ލިބޭކަމެކެވެ. މިއަދުވެސް ގިނަ ބަޔަކު މަސް ގަންނަން ގޮސް ތިއްބެވެ. އެމީހުންގެ މޫނުމަތިން ފެނިގެންދިޔައީ އުފާވެރިކަމެވެ.

މިދިޔަ ރޯދަމަހު މާރުކޭޓުގައި ކަނޑުމަސް ވިއްކީ ވަރަށް އަގުބޮޑުކޮށްނެވެ. އޭރު ކަޅުބިލަމަސް ކިލޯއެއް ވިއްކީ 40-45 ރުފިޔާއާ ދެމެދުގަ އެވެ. އަދި ކަންނެލި މަސް ކިލޯއެއް ވިއްކީ 65-70 ރުފިޔާއާ ދެމެދުގެ އަގުތަކެއްގައެވެ.

މިލިޔުމާއި ގުޅޭ