މަސްވެރި އުޅަނދު ފަހަރަށް ށ.ފޭދޫއިން އައިސް ލިބޭނެ އިންތިޒާމު ހަމަޖެއްސުމާ ގުޅޭގޮތުން މަޝްވަރާކޮށްފި އެވެ.
އައިސް ފޯރުކޮށްދޭނެ އިންތިޒާމު ހަމަޖެއްސުމާމެދު މަޝްވަރާ ކުރައްވާފައިވަނީ، ފިޝަރީޒް މިނިސްޓަރު އަހްމަދު ޝިޔާމް ށ.ފޭދޫ ކައުންސިލާއެކު ބޭއްވެވި ބައްދަލުވުމެއްގަ އެވެ. މި ބައްދަލުކުރެއްވުމުގައި، ށ.ފޭދޫއިން އައިސް ލިބޭނެ އިންތިޒާމް ހަމަޖެއްސުމުގެ އިތުރުން ށ.ފޭދޫ ކައިރީގައި ސްޕޯޓްސް ފިޝިންގ ކަނދުފައްޗެއް ޤާއިމުކުރުމާ ގުޅޭގޮތުން މަޝްވަރާކޮށްފައިވާކަމަށް ފިޝަރީޒް މިނިސްޓްރީން ބުނެފައި ވެއެވެ.
މި ބައްދަލުވުމުގައި ށ. ފޭދޫ ކައުންސިލްގެ އިތުރުން، ފިޝަރީޒް މިނިސްޓްރީގެ ބައެއް އިސްވެރިން ބައިވެރި ވަޑައިގެންނެވި އެވެ.