ފ. މަގޫދޫ ބަނދަރު ސަރަޙައްދުގައި މަސްކަނޑާ އަށްޓެއް އިމާރާތްކުރަން ނިންމައިިފި އެވެ.
މަގޫދޫ ކައުންސިލުން މިހާރު ވަނީ އެ އިމާރާތް ޑިޒައިންކޮށް ޢިމާރާތްކޮށްދޭނެ ފަރާތެއް ހޯދަންވެސް އިޢުލާންކޮށްފަ އެވެ.
މި އިމާރާތް އަޅަައިދޭން ޝައުގުވެރިވާ ފަރާތްތަކަށް އެފުރުސަތު ހުޅުވާލާފައި ވާއިރު، މާޗު މަހުގެ ފަސްވަނަ ދުވަހުގެ 12:00ގެ ކުރިން ބީލަމުގައި ރަޖިސްޓްރީވާން ވަނީ އަންގާފަ އެވެ. ބީލަމުގައި ރަސްޖިސްޓްރީ ކުރެވެނީ ސަތޭކަ ރުފިޔާގެ ފީއެއް ދައްކައިގެންނެވެ. ބީލަން ކާމިޔާބު ނުވިޔަސް މިފައިސާ އަނބުރާ ނުލިބޭނެކަމަށް ކައުންސިލުން ބުންޏެވެ. ފައިސާ ބަލައިގަންނާނީ ރަސްމީ ބަންދުނޫން ކޮންމެ ދުވަހެއްގެ ހެނދުނު 9:00 ން 12:00 އަށެވެ.
ރަޖިސްޓްރީ ނުކުރާ ފަރާތްތަކަށް ބީލަން ހުށަހެޅުމުގެ ފުރުސަތު ނޯންނާނެ ކަމަށާއި، ބީލަމުގައި ރަޖިސްޓްރީ ވުމަށްފަހު މާޗް 14 ވަނަ ދުވަހުގެ 12:00 ގެ ކުރިން އީމެއިލް މެދުވެރިކޮން ބީލަން / ޕްރޮޕޯސަލް ފޮނުވުމަށް ކައުންސިލުން ވަނީ އެދިފަ އެވެ. ބީލަން ކަނޑާނީވެސް އެގަޑީގައި ކަމަށް ކައުންސިލުން ބުނެފައި ވެއެވެ.