ދ. ހުޅުދެލިގައި ދޮށީ ކަނދު ފައްޗެއް އަޅައިފި އެވެ.
ފިޝަރީޒް މިނިސްޓްރީގެ ޓީމުން މިހާރު މެދުރާއްޖެތެރެއަށް ކުރަމުންދާ ދަތުރުގައި ހުޅުދެލީގައި ކަނދުފަތި އަޅާފައިވަނީ މިމަހުގެ 7 ވަނަ ދުވަހު އެވެ. އެރަށު ކަނދުފަތި އަޅާފައިވަނީ ހުޅުދެލީގެ ހުޅަނގުން 12.5 މޭލު ބޭރުގައެވެ.
ދޮށީ ކަނދުފަތީގެ ނަންބަރަކީ. K08D01-01 އެވެ.
އެފްއޭއޯގެ ފަންނީ އެހީތެރިކަމާއެކު ރާއްޖޭގެ އެކި ސަރަހައްދުގައި ދޮށީގެ މަސްވެރިކަން ނުވަތަ ކަޅުބިލަމަހުގެ މަސްވެރިކަމަށް ޚާއްޞަކޮށްގެން ދޮށީ ކަނދުފަތި އެޅުމުގެ މަސައްކަތް ވަކި އުސޫލެއްގެ ދަށުން ދަނީ ކުރަމުންނެވެ. މިއީ، މިސަރުކާރު އައިފަހުން މިހާތަނަށް އެޅި 20ވަނަ ދޮށީ ކަނދުފަައްޗެވެ.