ފިޝަރީޒް މިނިސްޓަރު، އަހްމަދު ޝިޔާމް މާދަމާ އޮންނަ ރައްޔިތުންގެ މަޖިލީހުގެ ޖަލްސާއަށް ހާޒިރުކުރަން އެޖެންޑާކޮށްފި އެވެ.
މިނިސްޓަރު މަޖިލީހަށް ހާޒިރުކުރަނީ މަރަދޫ ދާއިރާގެ އެމްޑީޕީ މެންބަރު އަހްމަދު ދީދީ އައްޑޫސިޓީ ފިޝަރީޒް ކޮމްޕްލެކްސްއާގުޅޭގޮތުން ހުށަހަޅުއްވާފައިވާ ސުވާލުކުރުމަށެވެ.
މިނިސްޓަރު މަޖިލީހަށް ހާޒިރުކުރުމަށް، މެންބަރު އަހްމަދު ދީދީ ހުށަހަޅުއްވާފައިވަނީ، އޯގަސްޓް މަހުގެ 24 ވަނަ ދުވަހުއެވެ. އައްޑޫސިޓީ ފިޝަރީޒް ކޮމްޕްލެކްސްއާ ގުޅޭގޮތުން މެންބަރު ހުށަހަޅުއްވާފައިވާ ސުވާލުކުރުމަށް، މިއީ މަޖިލީހުގެ އެޖެންޑާގައި ތާވަލުކުރި ތިންވަނަ ފަހަރެވެ. މީގެ ކުރިން މިނިސްޓަރު ހާޒިރުކުރަް އެޖެންޑާކޮށްފައި ވަނީ މިމަހުގެ 14 އަދި 28 ވަނަ ދުވަހު އެވެ. އެ ދެ ދުވަހުވެސް އެޖެންޑާއިން އެ ސެޝަން އުނިކުރަން ޖެހުނީ މިނިސްޓަރަށް ހާޒިރުވެވޭގޮތް ނުވެގެންނެވެ.
މެމްބަރު އަހްމަދު ދީދީ މިނިސްޓަރަށް ހުށަހަޅުއްވި ސުވާލުގައި، އައްޑޫސިޓީ ފިޝަރީޒް ކޮމްޕްލެކްސްގެ ކެޕޭސިޓީ ބޮޑު ކުރުމަކީ މިސަރުކާރުގެ ވައުދަަކަށްވެފައި، އަދި، އެއީ މަސްވެރިން ވަރަށް ބޮޑަށް ބޭނުންވެފައިވާކަމަށްކަށްވީހިނދު އެ މަސައްކަތްފެށޭނީ ކޮންތާރީޚެއްގައިތޯ ސާފުކުރައްވަން އެދިވަޑައިގެންފައި ވެއެވެ.